YEREMIA 9:4 - Susula Malalaok Hehelu Palak Ma Hehelu Beuk

⁴ Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

YEREMIA 9:4 ပူးပေါင်းရင်းမြစ်များ

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

MAZMUR 101:5

Neukose, au tao amopo-amate hataholi fo, no denge-dengek, ana tao nanggenggeo hataholi na'den. Neukose au ta po'ilotak hataholi manakoao-ndaeaok-ka, ma hataholi fo, namatutua-namadedema aoinan-na.

MAZMUR 15:3

hataholi fo, ma ana ta dodoki-aali, nonoo hataholin-na na'den-na fa, ana ta tao mangalauk, soaneu tia-lain fa, ma ana ta kokolak nanggenggeo, uma titia-tatain-na na'den-nala fa;

AMSAL 10:18

Hataholi mananafuni nape'da dalek-ka nde been-na, manake'di-ndiuk. Hataholi manakokolak nanggenggeo hataholi na'den-na nde been-na, hataholi nggoak.

AMSAL 25:18

Kalaa pepekok-ka, bisa neni mamates, sama leo tafaina, ai papaluk do kokou isi matane.

AMSAL 4:16

Hataholi managalauk-ka, ana ta hapu sungu fa, metema ana beita tao tatao-nono'i ta malole fa. Ala beita tekauk fa, metema ala beita tao soe hataholi fe'ek fa.

AMSAL 4:17

Tatao-nono'i mangalauk-ka, ma naseti-nalakak-ka nde been-na, sama leo sila nana'a-nininun.

AMSAL 6:16

Manetualain ta hii dede'ak hitu fa, de Ana ta bisa po'ilotak-kana fa: Heheo-hihiluk fo, manakoa-ndaeaok-ka, bafak fo, masapepeko-masandandalik-ka, limak fo, manatao nisa hataholi sala taak-ka, dodolek fo, manatutu'u hata mangalauk-ka, eik fo, lai-lai neu leo mangalauk-ka neu, sakasii fo, nasapepeko-nasandandali nakandondoo henin, ma hataholi fo, nakadada'dik musu nai nonoon-nala dalek.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YESAYA 9:16

Leoina ndia, ana kalua neme agama dalek mai, ma nalutu ha'da-tataon, ma hala-kokolan-nala mangalauk. Hu ndia de, Manetualain ta po'ilotak ta'eanan-nala, esa naladeak boen. Ana ta sue-lai basa faluina-anamaak-kala fa. Tehu Manetualainbei namanasa, de Ana huku nahele.

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

YEREMIA 9:8

Dede'a-kokolan-nala, mangalauk nanseli, nanisa, sama leo kokouisi malasok-ka. Hala-kokolan-nala, ka'da masapepeko-masandandalik mesan. Dede'a-kokolan-nala leo mina noo-a, tehu tunga ndoon-na, lakahihi'ik hataholi ndia.

YESKIAL 22:9

Nai o laum-ma dalek, hapu hataholi manatui dede'a pe'dak, fo lakasasa'ek dede'ak neu hataholi fe'ek, fo ela hataholi ndia nanahukunisak. Hapu nggelok boe, ala hii la'a paa fo, nanatunu-hotu basak neu sosongo-tatangok-kala so. Hapu nggelok seluk bai, ala hii tao tatao-nono'i manggenggeok.

IMAMAT 19:16

Boso la'ok neu-mai, fo kokolak hataholi manai emi leoinam-ma dalek na'den-na, fo daenga emi boso meni mamates fe emi nonoo hataholim-ma. Au nde Manetualain.

MALEAKHI 2:10

Ade, ita basa-basa-tala, ta tanuu ka'da Amak esa fa do? Ade, ita ta nananakadada'dik neme Manetualain fo sama fa do? Metema leondiak, soona tao le'e de, ita esa bei nalelesi hehelu-balataak no esa, de no enok ndia, ade ita ta talelesi hehelu-balataak fo Manetualain taon no ita bei-ba'i kain-nala fa do?

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

MATEOS 10:21

Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

LUKAS 21:16

Neukose emi nanake'di-ndiuk neme emi ina amam, emi tolanoo mala, emi ka'a-fa'di mala, ma emi tia-lai mala. Neukose ala taolisa emi nggelok.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.