YEREMIA 9:25 - Susula Malalaok Hehelu Palak Ma Hehelu Beuk

^25-26 Manetualain nafa'da nae, “Neukose losa fain-na Au huku hataholi Masir, Yehuda, Edom, Amon, Moab, ma laun lete lepak fo mananggute keke'u langa doon-na. Sila basa-basas nanasunat sama leo hataholi Israel, tehu leomae sila do leoina Israel-la ha'da tataon-na sama leo hataholi fo nanasunat taak-ka, hu ka nde sila ta tunga hehelu-balatak fo nakasasamak no sunat ndia.”

YEREMIA 9:25 ပူးပေါင်းရင်းမြစ်များ

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 49:32

Manetualain nafa'da seluk Nebukadnezar, “Loso-ma onta-onta nala ma bana manun lala'en-na! Hataholi-hataholi langa doo nanangutek keke'uk sila neukose au fe henis leo mamana fe'ek neu. Neukose Au fe susa-soe ba'eneu emi neme basa mamanak lala'en-na.

YESKIAL 28:10

Neukose o mate sama leo hataholi matasi'da-matasaek, nanahu hataholi fo ta lalelak Manetualain-na, nde taolisa o. Au, Manetualain Fo Mademaina, nde manakokolak-ka.”

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

IMAMAT 19:27

Boso nggute langadook manai emi langam-ma boboan-na, ma boso nggeu emi nggolimeim-ma.

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

ROMA 2:28

Nana hataholi Yahudi matetu ka, ta nde hataholi fo ana lepa ka'da na'de hataholi Yahudi na fa; ma hataholi fo nanasunat matetu ka, ta nde hataholi fo nanasunat tunga ka'da ao paa ka fa.

ROMA 2:29

Dede'a nasafali na, hataholi Yahudi matetu ka nde, hataholi fo nape'da ha'da-palii Yahudi nai dalen dale; ma sunat matetu ka nde Manetualain Dula Dale na nde tao na hataholi ndia dale na nanasunat, te ta sunat fo nanasulak nai susulak dale fa. Hataholi leo sila kala nde sipo kokoa-kikiok neme Manetualain mai, te ta neme hataholi daebafa ka mai fa.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”