YEREMIA 9:23 - Susula Malalaok Hehelu Palak Ma Hehelu Beuk

²³ Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

YEREMIA 9:23 ပူးပေါင်းရင်းမြစ်များ

AYUB 32:13

Tao leo bee, de emi bisa mafa'da, mae emi hapu manatee-tenok ndia so? Nanahu, nau do ta nau fa, emi kala so ka'da Manetualain nde bisa nataa Ayub.

AYUB 41:15

Muliha'in-na, sama leo besi babaa fanak, fo nananakatoto'dok esa nakaditan-na esa, de tean-na sama leo batu-a.

MAZMUR 33:5

Ana sue-lai ndoos ma matetuk-ka; basa daebafak-ka lala'ena, henuk no susue-lalain.

MAZMUR 34:3

Au sanga tao amatutua au daleng-nga, nanahu Manetualain tatao-nono'in; ela leo been-na, hataholi nanatuni-ndenik-ka namanenen fo namahoko-setelee.

MAZMUR 44:9

Hu ndia de, neukose ami koa-kio O tataas esa, ma ami moke makasi nakandondoo henin neu O.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

AMSAL 3:5

Mamahele Manetualain, no o dale katema tuam-ma, ma boso masalai o deam-ma neu o dudu'a manadaim-ma mesak-kana.

PENGKHOTBAH 2:19

Ma see bubuluk, ade ndia dodole maneu do nggoak? Tehu leomae leo beek boe, neukose ndia nde nanuu au ue-le'ding buna-boan, fo au hapun nai au fai maso'dang-nga dalek nai daebafak ia, hu kande au sosota-mamangung ma au manatee-tenong-nga. Da'di ndia boeo manada'di taak.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

YESAYA 10:8

Namatutua-namadedema aoinan-na nae, “Au malanga solda'du manai laing-ngala, manek mesan-mesan!

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

YEREMIA 48:7

Moab! O mamahena ka'da o be'i-balakaim masu'i-beten. Tehu besak ia neukose o nanatao nakalak. Kamos, o lamatua daebafam-ma, basa inam-mala ma basa mauli-malangam-mala neukose nanafoo nenik leo mamana ookak-ka neu.

YEREMIA 49:4

Hei emi fo manalilineka tak! Tao le'e de emi madedema felak-kala fo leloaka? Hu beek nde emi koao neu emi su'i-beten! Neme bee mai emi hapu mafa'da mae ta hapu hataholi esa boen fo ana la'ban o?

YESKIAL 29:9

Neukose, Masir da'di dae louk. Soona besak-ka emi bubuluk, mae Au nde Manetualain-na.” Manetualain nafa'da nae, “Hai mane Masir-ra nei! Hu kande o mafa'da mae Lee Nil-la nde been-na, o nuum, ma o mae o nde tao lee ndia,

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

MARKUS 10:24

Yesus ana mana tunga nala lamanene Yesus kokolan ndia boema, ala dodoo doa kana. Tehu Yesus kokolak seluk nae, “Ana ngala lemin, memak sosotak la'iesa kana, soaneu da'di Manetualain hataholi kamahehelen!

ROMA 1:22

Lafa'da lae, sila hataholi manatee teno kala, te se'ko na nggoa nala seli.

1 KORINTUS 1:31

Da'di, sama na leo nanasulak nai Susula Malalaok dale nae, “See nau namatutua ao na soona, namatutua neu hata fo Lamatua ka tao-no'i ka.”

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

1 TIMOTIUS 6:10

Nana neme dale he'di doi ka mai de, basa tatao-nono'i mangalau mata-mata kala, ala da'di. Hapu hataholi nggelok, ala usi ka'da doi ka de, ala ta nau tunga hataholi Salani ka nanoli nala so'on. Hu ndia de, doidoso ka tao nakalulutuk dale nala.

SEMUEL SUSULAK-KA ESAN-NA 17:42

Tehu lelek Goliat nita Dauk, de ana mete hehelun boema, ana hika ma ana hakinonolin, nanahu Dauk bei muli-soluk nanseli, ma aon-na makadelek.