YEREMIA 9:22 - Susula Malalaok Hehelu Palak Ma Hehelu Beuk

²² Hataholi manamatek-kala, popolan-nala lalefule'ak nai mamanak lala'en-na, sama leo kadafuk-ka nai dae lain; sama leo gandum nanake'di henik, boema nanala'o elak, de ta nanahele nakabubuak so'on. Au tui-benga Manetualain hala hehelun-na, nde ndia.”

YEREMIA 9:22 ပူးပေါင်းရင်းမြစ်များ

2RAJA-RAJA 20:13

Hizkia sipok hataholi nadedenuk sila-la, de natu'dus basa su'i-beten lala'en-na, fo nde lilopilas ma lilofulak, bumbu-bumbu, ma mina kaboomenik, ma basa solda'du-la, tafa-sisilon lala'en-na. Ta hapu hata esa boen, nai uma manek-ka, ma nai basa nusa-na lala'en-na, fo ta natu'du neu fas.

2RAJA-RAJA 20:15

Boema Yesaya natane seluk nae, “Lita beek, nai uma manek-ka?” Hizkia nataa nae, “Lita basa-basan lala'en-na. Au atu'dus basa hata lala'en, fo nanape'dak nai uma manek dale.”

2RAJA-RAJA 9:37

ma neukose, popolan fo bei elak-kala, lalefu-le'ak, sama leo bana-la tein-na, nalosa hataholi esa boen, ta hapu nalelak, see popolan ndia fa.’ ”

MAZMUR 49:7

Sila lasalai dean-nala neu su'i-beten-nala, ma ala koao-ndaeao lenik hata-heton-nala.

MAZMUR 83:10

Taos sama leo hataholi Midian-nala, sama leo Sisera ma Yabin neme Lee Kison-na,

AMSAL 18:11

Tehu hataholi kamasu'i-makabetek-ka, naedaenga hata-heton nde lasulu-lahapan-nana sama leo papala nanadamak madema, ma mateaina, okofefeon-na kota.

AMSAL 23:4

Boso sota-mate, soaneu da'di hataholi kamasu'ik. Boso pake o dudu'a-aafim ndia.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YEREMIA 7:33

Sila popolan-nala, neukose ala da'di manupui-la, ma bana makaak-kala nana'an, fo ta hapu hataholi usi heni fas.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.