YEREMIA 9:21 - Susula Malalaok Hehelu Palak Ma Hehelu Beuk

²¹ Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

YEREMIA 9:21 ပူးပေါင်းရင်းမြစ်များ

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

YESAYA 40:30

Hataholi muli-soluk-kala sota-mangu ni'iana manasolumaik-kala lakatunu, de ala tu'u leu.

YEREMIA 15:7

Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 44:7

Ma besak ia Au, Manetualain Fo Manakoasa, fo Israel Manetualain-na, natane tao le'e de emi tao dede'ak fo neni susa-soe fo matua ina ndia neu emi aopam-ma. Ade emi nau tao namate-namopo la'iesak hataholi – inak, touk, ni'iana-la, ma ni'iana bongi beuk-kala de nalosa ta hapu ela hataholi esa boen nei emi leoinam-ma dalek fa?

YEREMIA 50:30

Neukose nai faik ndia ta'e ana-nala mates lai kota ndia enon-nala, ma basa soloda'dun-nala nanatao nisak, Au Manetualain de manakokolak-ka.

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YEREMIA 7:33

Sila popolan-nala, neukose ala da'di manupui-la, ma bana makaak-kala nana'an, fo ta hapu hataholi usi heni fas.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YOEL 2:9

Ala sapu leo kota dale leu, ma lalaik nai papala nanadamak lain. Ala kae, de leu leo uma-la dalek leu; sama leo nakodaa, de ala masok tunga jendela.

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.

AMOS 6:9

Metema bei hapu hataholi 10 ke'ke lai uma esa dalek soona, neukose ala mate boe.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”