YEREMIA 9:16 - Susula Malalaok Hehelu Palak Ma Hehelu Beuk

¹⁶ Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

YEREMIA 9:16 ပူးပေါင်းရင်းမြစ်များ

NEHEMIA 1:8

Ou Manetualain, mafandendelek O hala-kokolam fo O paleta Musa nafa'dan nae metema ami, fo hataholi Israe la, ta lilineka neu O fa soona, neukose O tao tapasasala ami nai leoina fe'ek-kala tala'da.

MAZMUR 106:27

Neukose, Ana tu'u-tapa heni, sila tititi-nonosin leo leoina-la tala'da neu ma Ana tao tapasasalas, lai nusa dea-la.

PENGKHOTBAH 12:5

O ta mapalani nda'e leo mamana madema muu fa, de muse la'ok besa-besa. O langa doom-ma mofa, ma nai lelek o la'ok-ka, o helak o eim-ma. Boema mopo la'iesak o dale hihii-nanaum lala'en-na. Ita la'ok tasale leo ita mamana mate'en-na teu. Hataholi-la falu, ma lakaleleu ndolo-ndolo enok-ka.

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

YEREMIA 24:10

Neukose Au uni fe sila natee-natatik, la'a-ndoes, ma he'di laus matuaina, de nalosa sila basas mate, de ta hapu ela esa boen nai nusak ia, fo Au fen neu sila ma sila bei-ba'i kai manamaten-nala.”

YEREMIA 25:27

Boema Manetualain nafa'da neu au nae, “Mafa'da meu hataholi sila-la mae Au, Manetualain Fo Manakoasa, fo Israel Manetualain-na nadenus ala ninu losa ala mafuk ma ala muta-muta mesan. Au taoas latu'u lai fo'ak de ala ta hapu fo'a fa, nanahu natee-natatik-ka fo au uni fen neu sila.

YEREMIA 29:17

Manetualain Fo Manakoasa nafa'da nae, ‘Neukose Au uni fe emi natee-natatik-ka, la'a-ndoes-sa ma he'di-laus matuaina neu emi.

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YESKIAL 11:17

Au, Fo Manetualain Mademaina afa'da, ae neukose Au tao akabubuas leme nusa-nusak fo nai bee, sila tapasasala, boema Au fe falik dae Israel-la leo sila neu.

YESKIAL 12:15

Nai lelek, Au tao tapasasalas leo leoina manai nusak dea-la tala'da heon soona, besak-ka ala bubuluk, lae Au nde Manetualain-na.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 5:2

Metema, musu-a hahae nakahapi-na kota ndia soona, o muse hotuheni langadook ndia, baba'ek esa nai kota ndia tala'daheon. Ho'i-ma o tafainam-ma, fo muse tete'te baba'ek esa okofefeok kota ndia. Ma o muse nggali baba'e mate'ek-ka leo lalai neu, fo Au usin nenik Au tafainang-nga.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 5:16

Manetualain Fo Manakoasa nafa'da nae, “Nai kota enon-nala lain, neukose hataholi-la kii-makaleleu ma ala haladoi, nanahu dalen-nala he'dis-sa. Lena-lenak, neukose laloo hataholi manatao tina-osi-la, fo ala kii sama-sama loo ala bae hataholi manakii-makaleleu mamates-sa.

MIKHA 2:4

Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:36

Neukose, Manetualain no emi manem-ma, leo nusa dea fo, emi ta malelak-kana fa, ma emi bei-ba'i kaim-mala boeo, ta lalelak-kana boen. Nai ndia, neukose emi da'di ata neu lamatua daebafak fo, nanataok neme ai-batu mai.

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

ULANGAN 32:26

Au hii tao amopo-amate la'iesak-kasa, fo ela mopo na'den-nala.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.