YEREMIA 9:12 - Susula Malalaok Hehelu Palak Ma Hehelu Beuk

¹² Boema au atane ae, “Manetualain, tao le'e de, po'ilotak nusak ia, ana da'di nusa tokotiik ma tuuk, sama leo moo solokaek-ka, nalosa ta hapu hataholi la'ok tunga ndia fa? Ade hapu hataholi malelan-na dai, soaneu nalelak basa ia-la do? Au afa'da mangalele'don neu see, fo ela ana hapu nakalala'ok-kana leo hataholi fe'ek neu?”

YEREMIA 9:12 ပူးပေါင်းရင်းမြစ်များ

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

MAZMUR 107:43

Ela leo bee-na, hataholi manatee tenok-ka, dudu'a-dodoo basa dede'ak sila-la, ma ana manaku, nae Manetualain sue-lai nahele.

YESAYA 42:23

See nai emi dalek, nau namanene dede'ak ia, ma ana taoafik neun, soaneu fai manamaik-ka?

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 23:16

Manetualain Fo Manakoasa nafa'da neu laun Yerusalem-mala nae, “Boso mamanene basa nabi-la hala-kokolan fo ala fe mamahehenak fo ka'da louk tatas esa. Ka'da sila landuku-lalosak sila mesak-kasa meneunala te Au hala-haituang-nga ta ndia fa.

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 9:20

Boema au afa'da ae, “Hai basa inak-kala lemin! Mamanene Manetualain dede'a-kokolan leona, Manoli emi anafe'om-mala, nakamee kikii-makaleleuk, manoli emi tia-laim-mala, nakamee fafaluk.

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

YOEL 1:11

Hai hataholi manatao tina-osi-la lemin, makaleleu leo na! Hai manamanea osi angol-la lemin, kii leona. Nana gandum, jelei, ma keketu-kokoluk lala'en-na mate basas.

ZEFANYA 3:6

Manetualain nafa'da nae, “Au tao amopo leoina makadotok so. Au tao akalulutuk kotan-nala, ma papala nanadaman-nala, boema Au tao akalulutuk uma puni mademan-nala, de besenggela-besenggali. Kotan-nala da'di kota nees, de hataholi ta leo nai ndia so'on, boema nee-nee lino-lino.

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

NINITAK 1:3

Maua-manalek neu hataholi fo manales ma hataholi fo namanene susulak ia nafa'da ela ka, boema ana tunga hata fo nanasulak nai dale ka. Nana ta doo ka so'on te, basa ia la neukose ala da'di.