YEREMIA 9:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YEREMIA 9:11 ပူးပေါင်းရင်းမြစ်များ

NEHEMIA 4:2

Ana kokolak nai tia-lain-nala ma solda'du Samaria-la matan nae, “Hataholi Yahudi manafuu-mopok, ma ala ta bisa tao hata esa boen ndia, ala tao bek ndia. Ade ala sanga lafofo'a falik kota ia do? Sila laedaenga tataos ndia bisa basan nai faik esa dalen-na, ka'da nenik tunu-hotu tutunu-hohotuk do? Ade ha'i na'a naputu kadafu madodouk sila-la, sila bisa taos da'di papala nanadamak-ka batun-nala do?”

MAZMUR 107:43

Ela leo bee-na, hataholi manatee tenok-ka, dudu'a-dodoo basa dede'ak sila-la, ma ana manaku, nae Manetualain sue-lai nahele.

MAZMUR 44:19

Ami dalem-ma ta nalelesi O fa; ami ta mafandele heni O paletam esa boen.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

YESAYA 13:22

Busa fuik-kala, neukose ala nggoo lai uma manek Babel-la. Fai nakalulutun-na, sanga losa so, de ta nakadedeak fain-na so'on.”

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 34:13

Uma sosongon-nala ma kota-kotan fo lanuu kota musu, neukose makatema dila nggauk, ma na'u-la, moli lai dalek, ma busa fuik, manupui onta-la, ala leo lai dalek.

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YEREMIA 1:15

Neukose Au adenu basa leoina manai boboak kii-la, ala mai, fo ala koasa Yerusalem. Neukose ala loso-la, papala nanadamak fo manaokofefeo-la kota ia, boema lelesuinan-nala, ma basa kota-kota manai Yehuda-la.

YEREMIA 10:22

Mamanene dei! Hapu tutuik lae leoina esa nai kii ana sanga tao nale'a-napilik. Neukose soloda'dun-nala tao-la Yehuda kotan-nala da'di nenee lino-linok ma ta hapu manaleo-mapalasa fa. Neukose busa fuik-kala lafuni lai na.”

YEREMIA 16:10

Metema o manduku-malosak basa iala neu sila so'on, fafa'kama neukose ala latane lae, tao le'e de au huku-doki sila ba'u-ba'u basa ndia. Neukose sila latane lae salan-na beek ma sila sala-singon-na beek neu au Amak fo sila Manetualain-na.

YEREMIA 25:11

Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.

YEREMIA 25:18

Au fe Yerusalem no basa kota manai Yehuda-la, no manek-kala, ma mauli-malangan-nala linu angol ndia, de nalosa ala da'di sama leo mook-ka fo tokotik ma mangalaun-na seli. Losa faik ia sila na'den-na nanapakek da'di leo soo-supak.

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 4:27

Manetualain nafa'da, nae neukose daebafak-ka lala'en-na, ana da'di moo solokaek, tehu neukose, Ana ta tao namopo-namaten makandondook fa.)

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 49:33

Neukose Hazor nada'bak losa dodoon-na ma ana da'di mamanak nafuni busa fuik. Ta hapu hataholi esa boe leo nai na. Au, Manetualain nde manakokolak.”

YEREMIA 50:3

Leoinak esa neme kii mai fo ana tao musu neu Babel ma ana tao nusak ndia da'di nusa ma'dak. Hataholi no bana-manu-la neukose lalai ma esa ta nau leo nai na.”

YEREMIA 51:37

Neukose nusan ndia da'di bua-lo'a bibiak, ma busa fuik-ka mamana nafunin. Hataholi litan soona ala bii ma esa ta nau leo nai na.

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

RATAPAN 1:4

Nai fai malole-la ta hapu hataholi esa boen mai leo Manetualain Uman mai fa. Anafe'oanak makameek manai naa-la doi-doso, ma imam-mala hoo-nggu'u. Ta hapu hataholi esa boen, nai lelesuina-la lelesun-na fa. Kota Sion na, henuk no dale he'dik.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 3:47

Susa-soe ma nakalulutuk-ka tuni-nala ami, boema ami maso'da nai soe ma bibii-namata'uk-ka dalek.

IMAMAT 26:32

Neukose, Au tao amopo-amate emi nusam-ma, nalosa musu-musu fo langatuu-la emi nusam-ma, ala nggenge, nai lelek fo lita nakalulutuk ndia, ba'un-na seli.

MIKHA 1:6

Hu ndia de, Manetualain nafa'da nae, “Neukose, Au tao Samaria da'di ai-batu madodouk nai mook-ka, ma mamanak fo hataholi-a sele ai angol. Neukose Au tu'u kota ndia dae bubua manandefan-na leo bafak dale neu, ma Au ofe heni kota ndia uma laten-na.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

NINITAK 18:2

Nalo bou-bou napane'e nae, “Ana tu'u neu so! Babel matuaina ana tu'u neu so! Besak ia kota ndia da'di nitu la ma dula dale mangalau kala mamanan so. Basa manupui manggenggeok mata-matak fo hataholi a ta nahii kasa, ala leo lai dalek.