YEREMIA 8:6 - Susula Malalaok Hehelu Palak Ma Hehelu Beuk

⁶ Au amanene matalolole so, tehu emi ta nau kokolak tunga ndoo-na fa. Ta hapu hataholi esa boen, nai emi dalek, nasasale dale neu tatao-nono'i mangalaun-na fa. Ta hapu esa boen, fo nafa'da nae, ‘Au sala beek?’ Emi basa-basam-mala, tunga emi eno mesam-ma, sama leo ndala, ana sapu leo natee-natatik dale neu.

YEREMIA 8:6 ပူးပေါင်းရင်းမြစ်များ

AYUB 10:2

Neukose, au afa'da Manetualain ae, Ou Manetualain, boso fe salak neu au; Mafa'da mangalele'do, tao le'e de, O la'ban au.

AYUB 34:31

Ayub, o manaku basa o sala-singom neu Manetualain so do beik? o helu basa mae o ta tao seluk sala-singok so'ok?

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

YEREMIA 23:25

Basa hata fo nananafa'dak neme nabi sila-la Au bubuluk-kasa so. Ala lasapepeko-lasandandali pake Au na'deng-nga lae, Au hala haituang-nga ala sipon tunga me'i-afek.

YEREMIA 3:5

O boeo mafa'da mae neukose, Au ta amanasa o, nakandondoo henin fa. Hai Israel, o mafa'da mae leo ndia, tehu o bei tao tatao-nono'i mangalauk lala'en fo, o hapu tao-no'in.”

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YESKIAL 18:28

Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

HAGAI 1:5

So'ba taoafik neu emi ha'da tataom leona!

HAGAI 1:7

Emi ta bubuluk, tao le'e de dede'ak ndia ana da'di?

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.