YEREMIA 8:3 - Susula Malalaok Hehelu Palak Ma Hehelu Beuk

³ Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

YEREMIA 8:3 ပူးပေါင်းရင်းမြစ်များ

1RAJA-RAJA 19:4

boema ana la'o eik faik esa dalen-na leo moo solokaek ka neu, de ana hahae neme ai matuaina esa huun-na. Ana nangatuuk neu ndia de nahiik fo ela ana mate leona. Nafa'da Manetualain nae, “Au ta akatatakak seluk so'on Manetualain. Ho'i ma au hahae nga leona. Au ta malole lena neme au bei-ba'i kaing-ngala mai fa!”

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 23:8

te ka'da neme Au-a mai Manetualain fo maso'dak-ka fo mananeni falik hataholi Israel-la kalua neme nusak esa nai dulu, ma neme basa nusak fe'ek-kala fo nai bee Au tao tapasasala sila. Sila neukose ala leo om sila dae oen-nala.”

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 29:28

Muse ko'bo ketu hataholi ndia bafan-na, nana nafa'da ita hataholin manai Babel-la nae, sila muse leo dook-ka nai na. Ma hu kande ndia de, nafa'da nae, tao leo beo ala tao uma, ma ala tao tina-osi, fo la'a buna-boan-na.”

YEREMIA 40:12

Hundia de, ala la'o ela mamanak-mamanak fo nai bee sila nanatao tapasasalak-ka, boema ala fali le'us lo Yehuda neu. Ala mai leo Gedalya mai nai Mizpa, de lakaduduluk-la angol ma ai boak makadotok lanseli.

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 6:9

Manetualain Fo Manakoasa, nafa'da au nae, “Neukose Israel-langan-na, nananggeupolik losa dilak, sama-na leo osi angol fo, seu basa angol-la boan-na so. Hu ndia de, lelek bei hapu fai loak soona, soi-tefa-mala bei elak-kala.”

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

ULANGAN 30:1

“Besak ia, emi bole hele baba'e-papalak do soo-supak-ka, sama leo au afa'da mangalele'do basan neu emi so. Metema emi la'ola'di basa doidosok sila-la, ma emi maso'da nai leoina nusa dea-la tala'da, nai mamanak fo, emi Manetualaim-ma tao tapasasala emi-a soona, neukose emi mafandele neu hata fo, au fe emi helek-ka.

ULANGAN 30:4

Leomae emi tapasasala su'di leo bee meu, nai daebafak-ka lala'en-na, neukose emi Manetualaim-ma tao nakabubua emi, fo no falik emi.

NINITAK 6:16

Lalo neu lete kala ma batu sila la lae, “Mapaluni ma ami leona! Mafuni ami neme Ndia fo nangatuuk nai kandela manek lain mata na ma neme Bi'ilopo Ana ndia nasa-melun mai!

NINITAK 9:6

Nai bula kalimak sila la dalek, hataholi sila la sanga enok fo mate, tehu ala ta bisa mate fa. Ala hii mate, tehu mamate sa doo ka neme sila mai.