YEREMIA 8:21 - Susula Malalaok Hehelu Palak Ma Hehelu Beuk

²¹ Au daleng-nga nakalulutuk, nanahu au nggileo bobonging namahe'di belak; au daleng-nga he'dik, ma au daleng-nga ta tesa-tama fa.

YEREMIA 8:21 ပူးပေါင်းရင်းမြစ်များ

NEHEMIA 2:3

boema au ataa ae, “So'dak ba'eneu Ama Manek losa dodoon-na! Tao leo bee fo atam-ma dalen-na ta he'dis-sa fa, metema kota fo au bei-ba'i kaing-ngala mamana natoi-natonon-nala, besak ia ela ka'da ai batu madodouk-kala, ma ha'i na'a nakalulutuk basa lelesuinan-nala so.”

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 14:2

“Yehuda dale he'dis kota-kota-nala hihi maten. Hataholim-mala langape'uk nai dae-a ma lasasaledale. Yerusalem lakadi beau loke tutulu-fafalik

YEREMIA 17:16

Ou Manetualain, tehu ta la'i esa boen fo au akaseti O fa, fo fe namate-namopok neu sila. Au boeo ta hii, fo ela susa-soe-a la'e sila fa. O bubuluk ndia so Manetualain. O bubuluk hata fo O mafa'dak-ka.

YEREMIA 4:19

Au daleng-nga doi-doso nanseli, au ta akatatakak doidosok-ka so'on. Au ta ka'i abe'i au daleng-nga fa au teneng-nga hako, nai au fanang dale. Nana au amanene pupuuk-ka nalii, ma eeki musu-a, nadodolo

YEREMIA 8:20

Hataholi Israel-la, laloo bebou lae, “Fai keketu-kokoluk, ma fai hanas-sa, besak ia seli so, tehu ita beita taso'da boen.”

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

RATAPAN 3:1

Au nde hataholi fo name'da nita doidosok-ka so, nanahu Manetualain nasa-melun tuni la'e au.

YOEL 2:6

Lelek ala tutulumatak, basa hataholi-la dele bengge'be, basa mata-panak befula ma bema'u.

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.