YEREMIA 7:7 - Susula Malalaok Hehelu Palak Ma Hehelu Beuk

⁷ Metema emi tuka emi so'dam-ma eno-dalan, ma emi ha'da-tataom, boema hahae tao basa sila-la soona, neukose Au fe emi loak, leo mahele nai nusak ia, nusak fo Au fen neu emi bei-ba'i kaim-mala, da'di leo dae pusaka.

YEREMIA 7:7 ပူးပေါင်းရင်းမြစ်များ

2TAWARIKH 33:8

Metema hataholi Israel-la tunga basa Au paletang-ngala, ma ala tunga hoholo-lalanek fo Au atang Musa fe neus-sala, soona neukose Au ta po'ilotak sila nanausihenik neme nusak fo Au fe basan neu sila bei-ba'i kain-nala fa.”

KELUARAN 22:22

Boso tao su'di bebe'ik-ka neu faluina do anamaak.

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

YEREMIA 25:5

Ala ladenu emi la'o ela emi ha'da-tataom fo mangalauk-ka, ma emi tatao-nono'im fo masala-masingok-ka, fo ela emi hapu leo mahele nai nusak fo nanafek neme Manetualain neu emi bei-ba'i kai manamatem-mala ma neu emi da'di leo hata pusaka.

YEREMIA 26:13

Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”