YEREMIA 7:32 - Susula Malalaok Hehelu Palak Ma Hehelu Beuk

³² Hu ndia de, neukose fain-na losa, ta loke mamanak ndia lae, Tofet, do Bafak Hinom so'on, te Bafak Nado'do-napauk. Neukose dae ndia da'di mamana natoi mamates, nanahu ta hapu mamana fe'ek fa.

YEREMIA 7:32 ပူးပေါင်းရင်းမြစ်များ

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

YEREMIA 19:11

Au muse afa'da sila ae Manetualain Fo Manakoasa nafa'da nae leo ia, neukose leoina ma kota ia Au tao akalulutuk de nalosa ana da'di sama leo kete fo ba'ek ndia fo ta hapu tao nahiin seluk fa. Neukose hataholi natotoi-natotono sila popolan nai Tofet, nanahu ta hapu seluk mamana lo-late fe'ek fa.

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YEREMIA 19:2

soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YEREMIA 19:6

Hu ndia de fain-na losa soaneu mamanak ia ta nanaseseik lae Tofet do Bafak Hinom fa, te Bafak Dodo'dok-ka.

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

YEREMIA 7:31

Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

YESKIAL 6:4

Neukose, ana tao nakalulutuk mei tunu-hotun-nala, ma ana tao naba'e mamana tutunu boomenin-nala. Neukose, ana taonisa basa hataholi manai sila-la, nai sosongon-tatangon-nala matan.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,