YEREMIA 7:31 - Susula Malalaok Hehelu Palak Ma Hehelu Beuk

³¹ Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

YEREMIA 7:31 ပူးပေါင်းရင်းမြစ်များ

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

2RAJA-RAJA 23:20

Basa imam-imam, fo lalalau-laoono nai mamana sene-do'ok neu lamatua daebafak-ka, ana taonisas lai sila lalalau-laoonon nai mei tunu-hotuk-kala, lain. Ma Yosia hotu hataholi-la dui-kalun, nai mei tunu-hotuk sila-la lain. Basa ndia boema, ana fali ne'un leo Yerusalem neu.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

YEREMIA 19:2

soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 32:34

Nakalenak uma fo ala taolak soaneu mamana huhule-haladoik neu Au-a, ala tao langgenggeon nenik ala pe'da sila sosongo-tatangon fo manamaluak nai mamanak ndia.

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

YESKIAL 16:20

Basa boema, o tunu-hotu ita anan-nala, ina touk da'di tutunu-hohotuk soaneu sosongo-tatangok. O ta lilineka neu Au-a, beita dai fa do?

YESKIAL 20:26

Au po'ilotak-kasa, fo ala tao langgenggeo aoinan-nala nenik, sila tutunu-hohotu mesan-nala, nakalenak bai, ala tao anatou ulun-nala, da'di tutunu-hohotuk. No enok ndia de Au hukus, fo ela ala bubuluk lae Au nde, Manetualain-na.

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

IMAMAT 18:21

Boso fe o anam esa, fo tunu-hotun nai sosongo-tatangok Molokh-ka dalek, nanahu tatao-nono'ik ndia, tao nakadadaek o Manetualain na'den-na.

MIKHA 6:7

Ade, neukose Manetualain namahoko, metema ita teni fen bi'ilopo lifu-lifun, do mina setun makadotok do? Ade, ita muse fen, ita ana ulun-na da'dileo manasoi-manatefa neu ita sala-singon-nala do?

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

ULANGAN 18:10

Nai emi dalek, ta bole hapu hataholi esa boen, ana tunu-hotu anan-na, da'di leo tutunu-hohotu nanatunuk fa. Ma ta bole hapu hataholi esa boen, ana da'di hataholi manasiula-tongonok, manasanga ta'du-tana, manapake dede'a-kokolak fo nakahahaik hataholi kamahe'dis, do

YOSUA 15:8

basa boema, ana kae tunga Bafak Hinom-ma, de neu leo pupukuk-ka boboan kona, fo nai bee, Yerusalem fo hataholi Yebus-sala kotan-na, nai ndia. Too ndia, neme ndia mai, de nasale leo pupukuk ndia poin-na neu, fo nai Bafak Hinom-ma boboan muli, nai Bafak Refaim-ma pe'dan kii,