YEREMIA 7:25 - Susula Malalaok Hehelu Palak Ma Hehelu Beuk

²⁵ Mulai neme emi bei-ba'i kaim-mala, kalua leme Masir mai, losa faik ia, Au adenu Au atang-ngala, basa nabi-la le'i leo emi leu tataas esa.

YEREMIA 7:25 ပူးပေါင်းရင်းမြစ်များ

2TAWARIKH 24:19

Manetualain nadenu nabi-la fo leu ka'is, fo ela lamahele falik neu Manetualain, tehu laun-na ta nau lamanene fa.

2TAWARIKH 36:15

Amak fo sila bei-ba'i kain Manetualain-na, fali-fali Ana haitua nabi-nala soaneu fe nasanene'dak neu anan-nala, nanahu Ana sue-lai sila ma Ana sue-lai Uman-na.

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 25:3

“Teuk duahulu telu dodoon-na, lelek teuk kasanahulu telun-na boema, mon anamanen Yosia paleta nai Yehuda, de losa faik ia Manetualain kokolak no au, boema au beita hahae tui-bengan neu emi lala'en-na hata fo Ana nafa'dak-ka. Tehu emi ta mafaduli fa.

YEREMIA 25:4

Manetualain boeo nadenu tataas esa neu basa nabim-mala fo atan-nala lo emi-a neu, tehu emi ta nau mamanene ma tao afik neu fas.

YEREMIA 29:19

Basa sila-la da'di neus, nanahu ala ta nau tunga Au hala-haituang-nga, fo Au anduku-alosak-kana neu sila tatas esa tunga basa nabi-la ma basa Au atang-ngala. Tehu ala ta nau tao afik neu Au hala-haituang ndia fa.

YEREMIA 35:14

Yonadab ana kene-ka'i tititi-nonosin-nala fo ala boso linu angol, de ala tunga neu kekena-kaka'ik ndia. Losa faik ia, neme hataholi sila-la esa boeo ta ninu angol boen. Tehu Au kola-kola o emi tatas esa, te emi ta nau mamanene fa.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YESKIAL 2:3

“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

HOSEA 11:7

ma latea-lahele soaneu la'oela Au. Hu ndia de, neukose nanatuni-ndenik-kala, fo leomae ala nggasi loke tutulu-fafalik boeo, ta hapu hataholi tulu-fali fas.”

HOSEA 12:10

Tehu Au, fo emi Manetualain fo no emi kalua neme Masir mai-a, neukose Ana fe emi leo seluk nai lalaa temak-kala dalek, sama leo makahulun-na, fo nai lelek Au mai leo emi mai, nai moo solokaek-ka.

AMOS 2:11

Au hele basa emi anam de'ubee fo ala da'di nabi, ma emi hataholi muli-solum de'ubee fo ala da'di Nazir. Hai hataholi Israel-la lemin? Ade, dede'ak ndia, ta tete'ek-ka fa do? Au, fo Manetualain nde manakokolak-ka.

MALEAKHI 3:7

Sama leo emi bei-bai kaim makahulun-nala, emi basa-basam-mala boeo la'ok sala neme Au hoholo-lalaneng mai, ma ta lilineka nai nakalala'on-na dalek fa. Fali leo Au mai leon, soona neukose Au boeo fali leo emi neu. Tehu emi matane mae, ‘Ami muse tao leobeek, fo ami fali leo O meu?’

LUKAS 11:49

Hu ndia de hapu nanasulak nai Manetualain susula Manatee Tenon dale nae, ‘Neukose Au haitua fes nabi-nabi, ma Au hataholi nadedenu ngala. Neukose ala taolisa nggelok, ma fepa-li'u nggelok!’

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.