YEREMIA 7:24 - Susula Malalaok Hehelu Palak Ma Hehelu Beuk

²⁴ Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

YEREMIA 7:24 ပူးပေါင်းရင်းမြစ်များ

NEHEMIA 9:29

O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

MAZMUR 81:13

Hu ndia de, Au po'ilotak-kasa lalanga batu; nemen-na fo, ala tunga sila hihii-nanau mesan-na.

YEREMIA 13:10

Leoina fo mangalauk ia-la langabatu lanseli ma ala ta nau lamahele neu au fa. Ala hule-haladoi, ma sene-do'ok neu kada lamatua daebafak fe'ek. Hu ndia de neukose silasama leo lafa keke'uk fo sosoa-ndandaan tak ndia.

YEREMIA 13:11

Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

YEREMIA 17:23

Tehu emi bei ba'i-kaim ta nau lamanene do tao afik neu hata fo Au afa'dak fa. Sila lalanga batu, ma ta nau tunga paleta do nafa'da fas.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 18:10

Tehu neu makabuin-na leoina ndia ta nau namahele neu Au fa, boema Au tao-no'i hata fo mangalauk-ka soona neukose Au dudu'ang ndia Au pe'da tatakan-na.”

YEREMIA 18:12

Tehu neukose ala lataa lae, ‘Sosoak hata? Ami tunga ka'da ami hihi-nanaun mesam-ma! Neukose ami esa-esak tunga ka'da ami hihi-nanaun mangalaum-ma!’ ”

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 23:17

Ba'eneu hataholi-hataholi fo tanau lamanene Au hala-kokolang-nga fa, ala lafa'da tatas esa lae, ‘Neukose emi maso'da-mamole.’ Ma neu basa hataholi fo malanga batuk-ka, ala lafa'da lae, ‘Neukose o ta hapu susa-soe fa.’ ”

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 3:17

Nai lelek ndia, neukose loke kota Yerusalem-ma soona lae, ‘Manetualain Kandela Manen’, fo basa leoina lala'en-na, neukose lakabubua lai kota ndia, fo ala sene-do'ok neu Au. Neukose, ala ta tunga seluk sila dale hihii-nanau mesan fo nggoa-panganaan, ma mangalauk ndia so'on.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

YEREMIA 9:14

Lalanga batu, ma ala sene-do'ok neu sosongo-tatango Baal-la, sama leo hata fo, sila bei-ba'i kain-nala nanolis-sala.

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:16

Au kokolak nasanene'da mahelek ndia, nanahu ala ta taoafik neu Au paletang-ngala fa, ala la'olena Au hoholo-lalaneng, ma ala tao langgenggeo fai Sabat-ta. Ala hii ka'da sene-do'ok neu sila sosongo-tatangon-nala.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

DANIAL 9:6

Ami ta mamanene O atam fo nde nabi sila-la fa, ala kokolak basa nenik O na'dem-ma neu ami manem-mala, basa mauli-malangan-nala, basa ami bei-ba'i kaim-mala ma neu ami laoinam lala'en-na.

HOSEA 10:6

Neukose, ala ko'o leni sosongo-tatangok ndia leo Asyur neu, fo ala fe hiik-kana neu mane matua. Israel tunga dale tutu'uk, fo manatao-nalas hapu mamaek ma nakamumulu-nakamamaek ndia.

HOSEA 4:16

Hai hataholi Israel-la lemin, emi langa batu manseli! Tao leo bee fo Au bisa foo emi, sama leo bi'ilopo-a nai moo mana'uk-ka?”

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

ULANGAN 29:19

Metema, emi nggelok mamanene paleta mabelaina ndia soona, ana boso dodoo nai dalen dale, nae neukose ndia ua-nalen malole nahele, leomae napalani tunga ka'da dale hihii-nanau mesan-na. Neukose dede'ak ndia, ana tao namate-namopo emi basa-basam-mala, nau hataholi manatao mangalauk-kala do hataholi manatao malole-la boe.