YEREMIA 7:23 - Susula Malalaok Hehelu Palak Ma Hehelu Beuk

²³ Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 7:23 ပူးပေါင်းရင်းမြစ်များ

AYUB 36:11

Metema, ala tunga Manetualain, ma lalalao-laoonon neun, soona laso'da no mole-dame ma tetu-temak, losa sila fai maso'dan-na, nate'e.

MAZMUR 119:3

Maua-manalek ba'eneu hataholi fo, ana tunga Manetualain hihii-nanaun, ma ana ta tao, tatao-nono'i mangalauk fa.

MAZMUR 40:6

Manetualain, O tatao-nono'in makadotok nanseli ba'eneu ami, ou au Manetualain, ta hapu hata fo, hapu nakasasamak-kana no O fa! O dale tutu'um makadotok, tao-na ami dodoo doak-kana, ta hapu tui la'iesak-kasa fa.

MAZMUR 81:13

Hu ndia de, Au po'ilotak-kasa lalanga batu; nemen-na fo, ala tunga sila hihii-nanau mesan-na.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

KELUARAN 16:32

Musa nae, “Manetualain nadenu ita, fo ata ho'i-tala manna, fafa'kama kilo dua, fo ata pe'dan soaneu ita tititi-nonosin, fo ela ala lita nana'ak fo Manetualain fen neu ita nai moo solokaek-ka, nai lelek no ita kalua teme Masir mai.”

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YEREMIA 11:4

Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 13:11

Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

ZEFANYA 3:2

Soe ba'eneu kota, fo ana ta nau sipo Manetualain hala nasanene'dan-na fa, ma boeo ana ta taoafik neu Manetualain hala nabengan-na, ma ana ta nau fe so'dan-na neu Manetualain, ma ta noke tutulu-fafalik neu fan!

ZAKHARIA 6:15

Neukose hataholi-la, ala mai leme mamana dook-ka mai, fo ala tulu-falin, fo lafofo'a falik Au Uma nga. Metema tao basa uma ndia soona, neukose ala bubuluk, lae Au Manetualain Fo Manakoasa, nde nadenu basa o, leo sila neu so. Neukose basa sila-la, ala da'di, metema te'e-te'e ala tao tunga Au, Manetualain fo sila Manetualain, paletan-nala.”

ZAKHARIA 7:7

Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

ROMA 16:26

Tehu besak ia, no Manetualain paleta matea-mahele na, de dale tutu'uk ndia nananatu'duk ma nanatui-bengak neu basa leoina lala'ena, tunga nabi la susula lii na, fo ela sila basa-basas lamahele ma ala tunga Manetualain.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

ULANGAN 11:27

Neukose emi hapu baba'e-papalak, metema emi tunga, emi Manetualaim-ma paletan fo faik ia, au anduku-alosak-kana neu emi.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

ULANGAN 30:2

Metema emi ma emi tititi-nonosim-mala, nau feli leo emi Manetualain-ma mai, ma emi tunga basa paletan fo, au fen neu emi, nai faik ia no emi dalek-katematuam-ma,

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 30:8

Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

ULANGAN 4:10

la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.