YEREMIA 7:20 - Susula Malalaok Hehelu Palak Ma Hehelu Beuk

²⁰ Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 7:20 ပူးပေါင်းရင်းမြစ်များ

2RAJA-RAJA 22:17

Ala lasadea Au so, de ala tunu-hotu tutunu-hohotuk fe lamatua daebafak fe'ek-kala. Basa hata fo sila tao-no'ik-ka, ana tao nafo'a Au nasa-melung. Au amanasa Yerusalem, de Au nasa-melung ndia, ta bisa tenak fa.

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 11:16

Hapu hai Au foi sila na'de, ai setun manae'efek, fo tepa neni boan-na ma neulauk-neulauk mesan. Tehu besak ia, nenik halak nadodolo fo matuaina, de neukose Au hotu heni basa doon-nala, ma neukose Au heu la'di basa ndanan-nala.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 14:16

Hataholi-hataholi fo ala sipi basa sila neuk-kala boeo neukose nanataonisak nenik enok matak esa. Neukose sila popolan-nala nana tu'u-tapak leo Yerusalem enon-nala lain neu, nana hapu mana matoi fa. Sila lo sao anan-nala ua-nalen-nala leondiak. Neukose Au tao-a sila lame'da lita sila tatao-nono'i mangalaun-nala sasaina.”

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YEREMIA 6:12

Neukose, uman-nala nanafe henik, leo hataholi fe'ek neu, leondiak boe, tina-nala ma saoinan-nala boe. Laun nusak ndia, neukose Au hukus.

YEREMIA 8:13

Au ahiik anseli, tao akabubua Au anang-ngala, sama leo hataholi-a, tao nakabubua dae-oen buna-boan. Tehu Au anang-ngala, sama leo ai angol ma ai kaak boa tak-ka, lena-lenak doon-na boeo, male henin so. Hu ndia de, Au fe basa, hataholi nusa dea-la loak, fo ala koasa sila nusan-na so. Au, fo Manetualain nde manakokolak-ka.”

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 22:22

Sama leo lilofula-ka, nananatanoek nai ha'i dale, leondiak boe, neukose sila nananatanoek nai Yerusalem. Soona besak-ka, ala bubuluk lae Au, Manetualain kalua Au nasa-melung neu sila.”

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

YESKIAL 7:14

Pupuuk-ka nalii, fo basa hataholi-la laheheleao. Tehu ta hapu hataholi esa boen, neu leo natee-natatik dale neu, nana Manetualain nasa-melun, la'e basa hataholi lala'en-na.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

ZEFANYA 1:2

Manetualain nafa'da nae, “Neukose, Au tao amopo-amate basa hata manai daebafak-ka lala'en-na:

ZEFANYA 1:3

basa hataholi daebafak-kala, ma bana-manu, ma manupui-la ma i'ak-kala boe. Neukose Au taoisa hataholi mangalauk-ka. Neukose Au tao amopo-amate basa hataholi daebafak-ka lala'en-na, neukose Au ta po'ilotak maso'dak esa boen, Au fo Manetualain dede'a-kokolang leondiak.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

NINITAK 14:10

hataholi ndia neukose ninu Manetualain ango la, fo nde angol nasa melun, fo nanadi'a basak leo nggalan dale no ta kulang faa anak boen! Basa hataholi sila la neukose ala doidoso nai ha'ipilak ma belerang manai ata nusa so'da malalao kala ma Bi'ilopo Ana ndia matan.