YEREMIA 7:17 - Susula Malalaok Hehelu Palak Ma Hehelu Beuk

¹⁷ O mita matam, hata fo ala taon nai kota-kota Yehuda-la, ma nai eno-enok manai Yerusalem-mala so!

YEREMIA 7:17 ပူးပေါင်းရင်းမြစ်များ

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 32:29

de hotu heni la'iesak basa-basas lo uma-la, te hataholin-nala tao lafo'a Au nasang-nga nanahu ala tunu boominik neu Baal-la ma ala di'a angol da'di leo tutunu-hohotuk ba'eneu lamatua daebafan-nala.

YEREMIA 32:32

nanahu tatao-nono'i mangalauk fo nanataok neme hataholi Yehuda-la ma Yerusalem-mala, sama-sama lo basa sila manen-nala, basa manaho'u paleta, basa imam-mala ma basa nabi-la.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 6:27

Boema Manetualain nafa'da Yeremia nae, “Fola Au anang-ngala, sama leo o fola liti-a. Palisak matalolole heheo-hihilun-nala!

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

YEREMIA 7:18

Ni'iana-la hila ai, ma touk-kala lakafu'dik ha'i, ma inak-kala kame ha'desopuk, fo ala tao kokis fe lamatua daebafa inak, fo ala foin na'de, Ina Manek Nusa so'dak. Sila boeo, tunu-hotu fe lamatua daebafak fe'ek-kala angol, fo taok-kande lakahehe'dik Au daleng-nga.

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”