YEREMIA 7:14 - Susula Malalaok Hehelu Palak Ma Hehelu Beuk

¹⁴ Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

YEREMIA 7:14 ပူးပေါင်းရင်းမြစ်များ

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

2TAWARIKH 7:21

Besak ia uma mamaso-kakasi ia nanafe ha'da-holomata nanseli, tehu nai lelek ndia, hataholi manala'ok tunga ndia, neukose litan fo ala dodoo-doak-kana. Neukose lafa'da lae, ‘Taole'e de Manetualain tao leondiak soaneu nusak ma uma ia?’

MAZMUR 78:60

Ana la'oela lalaa teman mania Silo, fo mamana leleon manai hataholi daebafak-ka tala'da.

YESAYA 64:11

Manetualain Uman fo, malalao-malalafuk ma matua-madema, mamanak fo ami bei-ba'i kaim-mala, koa-kio O, ha'i-a, na'a nakalulutuk-kana so; basa mamanak fo, ami mahiik-kana, ala da'di ai-batu manandefak so.

YEREMIA 12:7

Manetualain nafa'da nae, “Au mamana leleong-ngaau ta tao afik neu fan, nusak fo da'di au nung-nga au la'o ela so'on, ma au anang-ngala fo Au sue-laik-kala, au fe heni basas leo musu-a liman dale neu.

YEREMIA 23:39

Soona, neukose Au ho'u as fo Au tapas leu dook-ka neu, leomae sila ma kota fo Au fe basan neu sila, ma sila bei ba'i kai manamaten-nala.

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

YEREMIA 26:4

Manetualain nadenu au afa'ada ea leo ia neu sila, “Au, Manetualain, paleta basa so, po ela emi mamahele neu Au, ma makalala'ok hoholo-lalanek fo Au fe basan neu sila.

YEREMIA 7:10

Emi tao basa sila-la boema, emi mai leo Au mai, nai ia, fo nai Au Umang mesang-nga, de emi mafa'da mae, ‘Ami nee-nee lino-linok!’ Basa boema, emi tao makandoo, emi tatao-nono'i manggenggeom ndia.

YEREMIA 7:12

Meu leo Silo, kota fo makahulun-na, Au helen da'di mamana makaluku-makatele neu Au. Mete su'dik, hata fo Au tao basan, soaneu mamanak ndia, nanahu Au anang Israel sala-singon.

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

YESKIAL 23:31

O tunga o ka'am ei tata'bun-na, hu ndia de, neukose Au huku o nenik huhukuk fo sama no o ka'am huhukun-na.”

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 28:52

Neukose, ala sapu-la basa kota manai nusak fo, emi Manetualaim-ma fen neu emi ndia, nalosa ala tao lakalulutuk papala nanadamak mademaina fo, emi mamahenak sila-la.