YEREMIA 7:10 - Susula Malalaok Hehelu Palak Ma Hehelu Beuk

¹⁰ Emi tao basa sila-la boema, emi mai leo Au mai, nai ia, fo nai Au Umang mesang-nga, de emi mafa'da mae, ‘Ami nee-nee lino-linok!’ Basa boema, emi tao makandoo, emi tatao-nono'i manggenggeom ndia.

YEREMIA 7:10 ပူးပေါင်းရင်းမြစ်များ

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

2RAJA-RAJA 21:4

Manetualain nafa'da basa, nae Yerusalem nde been-na, mamanak fo, Ana tao na'den-na nai ndia, ma mamanak makaluku-makatele neun, tehu nai naa, fo nai Manetualain Uman, Manasye tao fe lamatua daebafak-kala, mei tunu-hotuk so.

2TAWARIKH 33:4

Manetualain nafa'da basa nae Yerusalem nde bee na mamana mamaso-kakasi soaneun losa dodoo na, tehu nai naa fo nai Manetualain Uman ndia, Manasye napadedeik mei tunu-hotuk soaneu lamatua daebafak-kala so.

2TAWARIKH 33:7

Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

YESAYA 48:2

Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

YEREMIA 32:34

Nakalenak uma fo ala taolak soaneu mamana huhule-haladoik neu Au-a, ala tao langgenggeon nenik ala pe'da sila sosongo-tatangon fo manamaluak nai mamanak ndia.

YEREMIA 34:15

Faik de'u bee maneuk-ka emi tao mahii emi dudu'am-ma, de emi tao mamahoko Au daleng-nga. Emi basa-mala mala halak esa, de tao nakeketuk mo Au nai Au umang dale soaneu soi po'i ata-la fo emi leoina esa ndia.

YEREMIA 44:9

Ade emi masanggango heni basa mangalauk lala'en-na fo nanataok neme emi bei ba'ikai manamatem-mala, neme manek-manek Yehuda-la ma sila saoinan-nala, ma emi, ma emi saoinam-mala nai dae Yehuda ma nai kota Yerusalem enon-nala do?

YEREMIA 7:11

Ade emi mete Au Umang ia, da'di leo nakodaa-la mamana leleon do? Au ita la'iesak emi tatao-nono'im so.

YEREMIA 7:14

Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

YESKIAL 20:39

Manetualain Fo Mademaina nafa'da nae, “Hai hataholi Israel-la lemin! Besak ia, tunga emi dale hihiim-ma, fo esa-esak neu sene-do'ok neu ndia sosongo-tatangon! Tehu mafandendelek te, basa ndia soona, emi muse tunga Au, ma boso boe tao maggenggeo Au na'de malalao-malalafung-nga, nenik emi meni tutunu-hohotuk fe emi sosongo-tatangom sila-la.

YESKIAL 23:29

Nanahu hataholi sila-la ta lahiik loo o fa, de neukose ala loso-la basa o tutunga-sasangam lala'en-na. Neukose ala la'oela o da'di leo ina manasosoa-piao makaholak, fo o da'di bua nanananiluk nai lea matan. O nasa sasaoana manafo'am-ma, ma o manasosoa-piaom-ma nde

YESKIAL 23:37

Ala tao-no'i tatao-nono'i hohonge ma kanisak; ala hohonge basa loo sosongo-tatangok-kala, ma ala taolisa, ala bongi fe Au ni'iana-la. Ala tunu-hotu fe ni'iana sila-la, neu sila sosongo-tatangon-nala so.

YESKIAL 23:39

Nai faik fo, ala taolisa Au anang-ngala, ma ala tunu-hotu fes neu sosongo-tatangok-kala, hataholi ka'a-fa'di ka duak sila-la, ala mai leo Au Umang-nga mai, de ala tao langgenggeon!

YESKIAL 33:25

Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

HOSEA 6:9

Imam-imam manai kota ndia, sama leo nakoda bubuak esa, fo ala maku hataholi mananisik enok ndia. Nai enok fo manaleo mamana malalao-malalafuk manai Sikhem-ma neu, boeo ala tao eno kanisak-ka! Ala tao basa tatao-nono'i mangalauk sila-la, no dale nameme'dak.

AMOS 4:5

Bole tunu-hotu loti fo da'dileo emi moke makasi neu Au, ma bole kokolak dede'a me'i-afek mae emi fe basa tutunu-hohotuk tataman-na so! Tao leo bee o, emi mahiik taok-ka nde ndia!

ZEFANYA 1:5

Neukose Au sapu balisi su'di see, fo ana kae leo uma kalan lain neu, fo ana sene-do'ok neu le'do-a, bulak-ka, ma nduuk-kala. Neukose Au tao amopo-amate sila, fo ala sene-do'ok neu Au, ma ana soo-supa lilineka nahele Au, tehu ana soo-supa nenik lamatua daebafak Milko na'den-na boe.

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

YOHANIS 13:18

Au afa'da basa dede'ak ia la, ta soaneu emi basa-basa mala fa. Ninik Au bubuluk basa, see ka nde Au hele nana. Tehu hata fo nanasulak nai Susula Malalao ka dalek, muse ana da'di, fo nde ‘Hataholi fo na'a sama-sama no Au a, neukose ana la'ban Au.’

YOHANIS 18:28

Bei fafai anak te lo Yesus neme Kayafas uman, leo gobelno la uma mane na neu. Hataholi Yahudi la ta leu leo uma manek dale leu fa, fo ela ala boso tao langgenggeo uma ndia so'da na, tunga agama eno-dalan, nana ala sanga la'a nana'a Paskah ndia so.