YEREMIA 6:25 - Susula Malalaok Hehelu Palak Ma Hehelu Beuk

²⁵ Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

YEREMIA 6:25 ပူးပေါင်းရင်းမြစ်များ

2TAWARIKH 15:5

Nai tepo-lelek ndia hataholi-a ta hapu leo-la'o no so'da-molek fa, nana nai basa nusa-nusak-kala hapu tasibu matuaina.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

MAZMUR 31:13

Au nananafandele henik, sama leo hataholi manamatek-ka, ma au da'di sama leo, buas fo nanatapa henik-ka.

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 30:5

“Au amanene basa hataholi fo manadele nggebe-nggebek-ka naka'di-nakaun, ma hataholi manabiik-ka fo ta nanuu dale nakaloe-nakadae aok-ka naka'di-nakaun boe.

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

YEREMIA 4:5

Puu pupuuk-ka leona, nai basa nusak-ka lala'en-na! Maloo bou-bou no mangale'dok, ma mapane'e. Madenu laun Yehuda, ma laun Yerusalem-mala, fo lalai leo kota-kota fo, makota musuk-kala leu.

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 49:29

Loso-ma bi'i lopon-nala, onta, boema lala teman-nala no oe isin, boema maloo mafa'das mae ‘Nako feo na emi so!’

YEREMIA 49:5

Neukose Au fe mei makata'ak neme basa boboak lala'ena. Neukose emi malai, esa-esa sanga enok kalua fo so'dak, ma ta hapu falik esa nakabubua emi so.

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

YEREMIA 8:15

Palsuma la'iesak-kana, ita tamahena mole-dame, ma le'do-fai lea-haik-ka, nana hapuk-ka nde, ka'da naseti-nalakak mesak-kana.

RATAPAN 2:22

O ka'i musu fo ami bii-mamata'uk-kala soaneu tao feta-dote dale susue-lalai tak-ka nai ami boboa-kaisum. Ala taolisa la'iesak sila fo ami makabobois ma sue-lais. Nai O fai nasa-melum-ma, ta hapu hataholi esa boen bisa nalai fa.

YESKIAL 21:17

Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

LUKAS 19:43

Te'e-te'e, fai na neukose losa, nai bee o musu noo mala ala tao mana mapanggenggek okofefeok o. Neukose ala lapadei okofeo la o, ma lakaseti la o neme basa bu'uk lala'ena mai.