YEREMIA 6:19 - Susula Malalaok Hehelu Palak Ma Hehelu Beuk

¹⁹ Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YEREMIA 6:19 ပူးပေါင်းရင်းမြစ်များ

AMSAL 15:26

Manetualain ta hii dale tutu'u mangalauk-ka fa, tehu dede'a-kokolak malole-a, nandaa no dalen-na.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESAYA 66:18

Au bubuluk sila dudu'a-aafin ma tatao-nono'in. Au mai soaneu tao nakabubua basa hataholi-la, leme leoina lala'en-na mai. Nai lelek ala lakabubua, neukose ala lita Au koasang-nga.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 19:3

Au muse afa'da leo ia, “Hai Yehuda manen-nala ma Yerusalem laun-nala lemin! Mamanene hata fo Au, Manetualain Fo Manakoasa, fo Israel Manetualain-na, sanga kokolak no emi. Neukose Au uni susa-soe fo matuaina lo mamanak ia mai, de nalosa hataholi fo manamamanenek-kala nggenge.

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 22:29

Hei au nusang-ngo nei, mamanene hat fo Manetualain nafa'dak-ka,

YEREMIA 29:19

Basa sila-la da'di neus, nanahu ala ta nau tunga Au hala-haituang-nga, fo Au anduku-alosak-kana neu sila tatas esa tunga basa nabi-la ma basa Au atang-ngala. Tehu ala ta nau tao afik neu Au hala-haituang ndia fa.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YEREMIA 4:16

Ala fe nasanene'dak neu leoinak-kala, ma lafa'da laun Yerusalem-mala, lae musu-a ana mai neme nusa dook mai. Neukose ala eki, eeki musu-a soaneu Yehuda kotan-nala,

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 49:37

Neukose Au tao-a hataholi Elam-mala bii neu musu fo sanga tao nisa sila. Au amanasa nanseli, de neukose Au tao akalulutuk. Neukose Au fe soloda'du neulauk-kala fo leu latee-latatik loon losa basa la'iesak.

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

YEREMIA 6:18

Hu ndia de Manetualain nafa'da nae, “Mamanene leon, hai leoinak-kala lemin! Emi muse bubuluk hata fo, neukose ana da'di la'e Au anang-ngala.

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

HOSEA 10:13

Tehu o ta tao tunga fan. O sele-nggali tatao-nono'i mangalauk-ka, de o ketu-kolu ta ndoos ma matetuk-ka fa. O mu'a basa, o masapepeko-masandandalim buna-boan so.” Manetualain nafa'da seluk nae, “Hai leoina Israel-la lemin, hu kande emi mamahena emi kaleta natee-nata'tim-mala, ma emi solda'du makadotom-mala,

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

HATAHOLI 8:22

Hu ndia de tu'u-tapaheni o dudu'a-aafi mangalaum ndia leona, fo moke neu Lamatua ka fo daenga Ana fe do'o do ampon neu o dudu'a-aafi manga laum ndia!

ULANGAN 30:19

Besak ia, emi bole hele, maso'dak-ka, do mamates-sa, Manetualain baba'e-papalan, do sosoo-susupan. Au aloo lalai-a ma daebafak-ka, fo ala da'di sakasii neu emi nakeketum-ma. Hele maso'dak-ka leona.

ULANGAN 32:1

“Hai, lalai, mamanene leona, te au hii kokolak; hai daebafak-ka, pasak di'idoom-ma leona!

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:26

Tehu Semuel nataa nae, “Au ta nau fali sama-sama o Ama Manek fa. Ama Manek la'ban basa Manetualain paletan-na so, de besak ia, Ana ta nau manaku Ama Manek da'di leo Israel manen-na so'on.”