YEREMIA 6:17 - Susula Malalaok Hehelu Palak Ma Hehelu Beuk

¹⁷ Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YEREMIA 6:17 ပူးပေါင်းရင်းမြစ်များ

YESAYA 21:11

Hala heheluk la'eneu Esom nde ia. Hapu hataholi esa, naloo bou-bou neu au, neme Edom mai nae, “Hai manamanea nei, le'odaek ia, bei dook-ka hetu do? Bei ela li'u de'ubee seluk, fo besak-ka fafaik?”

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

YEREMIA 18:12

Tehu neukose ala lataa lae, ‘Sosoak hata? Ami tunga ka'da ami hihi-nanaun mesam-ma! Neukose ami esa-esak tunga ka'da ami hihi-nanaun mangalaum-ma!’ ”

YEREMIA 25:4

Manetualain boeo nadenu tataas esa neu basa nabim-mala fo atan-nala lo emi-a neu, tehu emi ta nau mamanene ma tao afik neu fas.

YEREMIA 6:18

Hu ndia de Manetualain nafa'da nae, “Mamanene leon, hai leoinak-kala lemin! Emi muse bubuluk hata fo, neukose ana da'di la'e Au anang-ngala.

YEREMIA 7:28

Da'di mafa'das, mae sila nde been-na, leoina esa fo, ta nau tunga Au, fo sila Aman Manetualain fa. Ala ta nau lanoli neme hoholo-lalanek fo, lame'da litan so. Sila lilinekan neu Au-a, mopok-kana so, lena-lenak ala ta nau kokolak lilinekak ndia so'on.”

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

YESKIAL 3:7

Tehu, leoina Israel-la, ta nau lamanene o fa, lena-lenak Au bai, ala ta taoafik neu Au makandondook fa. Sila basa-basas, lalangabatu, ma ala hii ka'da lena-la'ban Au.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HABAKUK 2:1

Au nau kae leo Au uma nanea puni mademang-nga u, fo au ahani hata fo Manetualain sanga nafa'dan neu au, ma natataan-na leobeek, la'eneu au dokodoeng-nga.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

IBRANI 13:17

Tunga emi mauli-malangam paleta na leona, ma makatele neus. Nana sila nde taoafik tatas esa neu emi samane ma, ma sila nde muse lataa neu Manetualai na. Metema emi tungas soona, sila hapu laue-lale'di no dale namahokok; metema ta, soona neukose laue-lale'di no dale he'dik, fo ndia ta nini nanalak fe emi fa.