YEREMIA 6:16 - Susula Malalaok Hehelu Palak Ma Hehelu Beuk

¹⁶ Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YEREMIA 6:16 ပူးပေါင်းရင်းမြစ်များ

1RAJA-RAJA 8:36

sa'di leo been-na, neme nusa so'dak-ka mai, O mamanene sila. Ma fe do'o do ampon neu O ana mala ma sila manen-na sala-singo nala. Manolis tao hata fo ndoos sa. Basa ndia soona, ou Manetualain, makona u'dan leo O nusam ia, nusak fo O fen neu O ana mala soaneu da'di sila nuun losa dodoon-na.

2TAWARIKH 19:11

Au fe Imam matuaina Amarya koasa mademaina neu basa dede'ak fo la'eneu agama hoholo-lalanen. Au fe Zebaja, fo Ismael anan-na, fo nde filana Yehuda koasa mademaina neu dede'a fe'ek lala'en-na. Hataholi Lewi-la bela-ba'un nde lanea fo ela lakalala'ok manamaketu-mala'dik nakeketu-na. Tunga natutu'duk ia-la ma tao-no'i menik napalanik. Ela leo bee na Manetualain nai hataholi fo manatao tunga ndoos ma matetuk-ka boboan-na!”

MAZMUR 116:7

Au daleng-nga tesa-tama, nana Manetualain malole neu au.

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YESAYA 28:12

Manetualain fe emi basa-basam-mala, mamana hahaeaok, tehu emi ta nau mamanene fan.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

YEREMIA 12:16

Metetma ala sipok Au anang-ngala so'da salanin-nala no dale katematu, ma ala nau soo-supa no lafa'da lae, ‘Manetualain fo so'dak-ka,’ – samaleo makahulun-na ala lanoli Au anang-ngala soo-supak neu Baal-la – soona neukose sila da'di Au anang ma so'dan-nala latetu.

YEREMIA 18:12

Tehu neukose ala lataa lae, ‘Sosoak hata? Ami tunga ka'da ami hihi-nanaun mesam-ma! Neukose ami esa-esak tunga ka'da ami hihi-nanaun mangalaum-ma!’ ”

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 2:25

Israel, o boso muu usi lamatua daebafak-kala, ma boso eki fo maloos, mahani te, neukose o eim-ma nakahina, ma o nggati anam-ma namatuu, nanahu maa ma'dak-ka. O mafa'da mae, ‘Ta, neukose au ta bisa fali fa, nana au sue lamatua daebafak-kala, ma au nau u tungas.’ ”

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 31:21

Ta'du-tana enok-kala, fo tao ta'du-tana neu, sanga enok fo makahulun-na emi la'ok misik-ka. Hai, Israel, me'um-ma leona! Fali me'um-ma lo emi kota-kotam fo makasososak-ka.

YEREMIA 42:3

fo ela Amak Manetualain natu'du fe ami lo be neu fo ami muse meu, ma hata fo am muse tao-no'in.”

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 7:24

Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

LUKAS 16:29

Boema Abraham nataa nae, ‘Sila lanuu Musa ma nabi la susula nala so! Nemena fo ala tunga hata fo nanasulak nai susulak sila la dalek!’

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

ROMA 4:12

Abraham da'di ama salanik neu hataholi manatunga suna ta nakanenete na boe. Tehu, ta hu ka nde sila tunga suna ta nakanenete na boema, Abraham da'di sila ama salanin, te hu ka nde sila lamahele Manetualain sama na leo Abraham namahele te, ana beita tunga suna ta nakanenete na boe.

ULANGAN 32:7

Mafandendelek le'do-fai makahulun-na, ma taoafik neu bobongik maneuk-kala. Matane emi ina-aman fo ela ala lafa'dan neu emi.

KOLOSE 2:6

Emi sipok Kristus Yesus da'dileo Lamatuak so. Hu ndia de, ela leo bee na emi da'di esa moon,

IBRANI 11:2

Hu ka nde namahehele ka, de hataholi lele makahulu na, Manetualain dale na namahoko neus.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.