YEREMIA 6:13 - Susula Malalaok Hehelu Palak Ma Hehelu Beuk

¹³ Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YEREMIA 6:13 ပူးပေါင်းရင်းမြစ်များ

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 17:11

Nonokabai manupui lu'u tolok fo ndia nuun ta ndia fa, hataholi fo ta manatao ndos-sa fa hapu hata-heton soona, tatao-nono'in leondiak. Ka'da nai fai keke'uanak mesak-kana neukose namopo basa hata-heton-nala. Nai so'dak fai makabuin-na te butin-na nae ndia hataholi fo nggoak nanseli.

YEREMIA 2:26

Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

YEREMIA 2:29

Ade beek-kande taon-na emi, ta mahiik Au fa, nalosa emi la'ban Au?

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YEREMIA 23:11

Manetualain nafa'da nae, “Nabi-la ma imam-mala ta nau lamahele Au fa. Boema Au hapu as ala tao mangalauk nai Au umang-nga.

YEREMIA 27:15

Ala lafa'da lae sila kokolak paka Manetualain naden-na, te lasandandali ndia. Manetualain nafad aon nae, Ana ta fe sila mai fa. Hu ndia de neukose Ana tao tapasasala ma ana tao nakatoto'a-nakatataak Ama manek no basa nabi-la fo manamasapepeko-masandandalik neu Ama manek-ka.”

YEREMIA 32:32

nanahu tatao-nono'i mangalauk fo nanataok neme hataholi Yehuda-la ma Yerusalem-mala, sama-sama lo basa sila manen-nala, basa manaho'u paleta, basa imam-mala ma basa nabi-la.

YEREMIA 42:1

Basa ndia boema basa hataholi matua do ana, lo basa soloda'dun-nala, ma Yohanan Fo Kareah anan-na ma Azarya fo Hosaya anan-na mai

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

1 TIMOTIUS 3:3

ana ta hii natutu-nafepa fa. Te hataholi ndia, hala-kokolan mangana'uk, ana hii ka'da mole-dame. Ana ta bole tene peta doik fa.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.