YEREMIA 52:7 - Susula Malalaok Hehelu Palak Ma Hehelu Beuk

⁷ Papala-nanadamak-kala musu-la tao lalutun. Leomae le'odae ndia hataholi Babel-la okofefeo-la kota ndia, soloda'du Yehuda-la lalai leo Dokek Yarden. Ala la'ok tunga osi manek-ka matan-na, boema ala kalua tunga lelesu ina fo mananakatututik neme papala-nanadamak kaduak sila.

YEREMIA 52:7 ပူးပေါင်းရင်းမြစ်များ

2RAJA-RAJA 25:4

boema musu-a hona nabuu, kota papala nanadaman-na. Leomae le'odaek ndia, hataholi Babel-la bei lakahapi-la kota ndia, tehu basa solda'du Yehuda-la, lalai leo Bafak Yarden-na leu. Ala la'ok tunga enok manatunga osi uma manek-ka, boema ala kalua tunga lelesuina manatuti papala nanadama ka 2-k manai mamanak ndia.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 39:2

Manek Zedekia paleta neu bula kahaa fain sio teuk kasanahulu esa, boema musu-a tao nakalulutuk kota papala nanadaman-na,

YEREMIA 49:26

Nai faik ndia ta'e anan-nala neukose mates lai eno-enok kotan-nala.

YEREMIA 51:32

Mamana lelenak-ka musu namatuk nan so, ma mamana mahele matua nanade'de henik. Soloda'du Babel da'di ngenge.

YEREMIA 6:5

Malole lenak, ata sapu-tan, nai fai le'odaek, fo ata tao takalulutuk kota ndia, kota musun-nala.”

YESKIAL 12:12

Neukose sila manen-na, ana lu'a-na popotin-na, fo ana la'o nai fai le'odaek. Neukose hataholi-la, ala tao bolok neu sila uman-na papala nanadaman-na, fo daenga ala tunga bolok ndia leo deak leu. Neukose, ana potiketu matan-nala, nalosa ala ta hapu lita ala la'ok tunga enok-ka fa.

YESKIAL 33:21

Nai hataholi Yahudi-la bula ka sanahulun-na, fain lima, fo nai lelek ami nai mamana tu'u-tapak, nai teu ka sanahulu duan-na, hataholi esa nalai Yerusalem deak, de ana mai nafa'da au, nae kota Yerusalem-ma, ana tu'da so.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

IMAMAT 26:36

Emi hataholim manai mamana okak nusa fe'ek-kala, neukose Au tao-alas ala bii-lamata'u lanseli, nalosa anin-na fuu akidook-ka fo nangguu boeo, ala bii fo lalai. Neukose emi malai, nono'kabai ala usi emi nai natee-natatik dale, boema emi tu'u-fo'a, leomae ta hapu musu deka no emi fa.

AMOS 4:3

Neukose emi nanalele'a-lolosok leo Hermon neu, ma emi esa-esak nanatapa henik leo deak tunga papala nanadama manadekak-ka, lelan-na. Au fo Manetualain nde manakokolak-ka.”

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.