YEREMIA 52:6 - Susula Malalaok Hehelu Palak Ma Hehelu Beuk

⁶ Nai bulak kahaa fain sio teuk ndia dalen-na, la'as matua mai de la'u-nala de ta lanuu nana'ak fa.

YEREMIA 52:6 ပူးပေါင်းရင်းမြစ်များ

2RAJA-RAJA 25:3

Nai hataholi Yahudi-la bula ka 4-na, fain 9, fo nai teuk ndia dalen-na boe, lelek la'a-ndoes matuaina nai kota ndia, de nalosa laun-na, nana'an ta makandondook so,

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 19:9

Musu-a nakahapin-na kota ia, de ala sanga tao lisa laun-nala. Nakahapik ndia bela-ba'u, de nalosa hataholi manai kota ia dalek anan-nala lo nonon-nala lana'a-la ao seluk.”

YEREMIA 21:9

Basa hataholi fo mana leo nai kota dalek-ka neukose mates nanahu natee-natatik-ka, la'a-ndoes-sa, do he'-laus matuaina. Tehu sila fo manakaluak soaneu lata neu hataholi Babel-la fo ala bei sapu-la kota ia, soona neukose ala laladeak ma nana tao nisa tak fa.

YEREMIA 25:10

Sila halan-nala namahoko-setele ma lame feta ka'bing-nga neukose Au taos ate'es. Neukose ala ta lanuu mina soaneu banu-nala fa, ma neukose sila gamdum-mala basas.

YEREMIA 37:21

Boema manek Zedekia paleta fo ela au nanahukuk nai uma manek-ka so'dan-na. Da'di au leo nai ndia, de su'di faik ala fe loti neme mamana tatao loti-a losa loti nanasadiak manai kota ndia basa la'isak-kasa.

YEREMIA 38:9

“Ama Manek fo mandela-masa'ak, hataholi sila-la tatao-nono'in-nala ta malole fa. Ala tao nabi Yeremia lo oedolu dale neu; Tao leo bee neukose maten no la'as-sa nai ndia, nana nana'a-nininuk basan nai kota ia so.”

YEREMIA 39:2

Manek Zedekia paleta neu bula kahaa fain sio teuk kasanahulu esa, boema musu-a tao nakalulutuk kota papala nanadaman-na,

RATAPAN 1:11

Laun-nala sanga so'dan-na no hoo-nggu'uk; ala tuka bua-lo'a kabelin-nala nenik loti, ka'da soaneu laso'da lahele fo boso mates. Yerusalem naloo bou-bou nae, “Ou Manetualain, mete au leona, taoafik neu au doi-dosong lala'en-na.”

RATAPAN 5:10

Ami doi-doso no la'a-ndoes-sa, nalosa ami loum-ma pila lo'a-lo'a sama leo ha'ikaak-ka.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 31:1

Nai hataholi Yahudi-la, bula ka telun-na, fain esa, fo nai lelek ami nai mamana tu'u-tapak, nai teu ka sanahulu esan-na, Manetualain nafa'da au nae,

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

YESKIAL 7:15

Natee-natatik-ka, nai enok-kala lain nai kota dale, ma he'di-laus-sa nai uma-la. Su'di see fo nai kota deak, neukose maten nai natee-natatik dale, ma manaleo nai kota dale-la, neukose maten, nanahu he'di-laus ma la'a-ndoes-sa.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

ULANGAN 32:24

Neukose mates, nanahu he'di sumaik-ka, ma la'a-ndoes-sa, ma hu kande he'dis fo maneni mamates-sa. Au po'ilotak bana makaak-kala, ala kaa lalas, ma menge malasok-ka, ana kaas.