YEREMIA 52:4 - Susula Malalaok Hehelu Palak Ma Hehelu Beuk

⁴ hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

YEREMIA 52:4 ပူးပေါင်းရင်းမြစ်များ

YESAYA 29:3

Neukose Manetualain, sapu-na kota ndia, ma nakahapi nan neme bu'uk lala'en-na mai.

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 34:1

Nai lelek Nebukadnezar fo manek Babel-la no basa ndia soloda'du matee-matatin-nala fo nanatao natea-nahelek neme basa leoina-la soloda'dun-nala mai, ma nusak fo manamakaluku-makatele neu au-a ala mai sapu-la Yerusalem ma kota-kota manai boboa-kaisun-na, Manetualain kokolak no au nae leondia.

YEREMIA 39:1

Zedekia fo manek Yehuda paleta neu bula kasanahulu teuk kasion-na boema Nebukadnezar fo manek Babel-la no basa manamatee-matatin-nala mai de sapu-la Yerusalem.

YEREMIA 4:17

ma lakahapi-la Yerusalem, sama leo hataholi-a nanea tina. Basa sila-la ala da'di, nanahu leoina Yehuda, ana ta tunga Manetualain paletan-na fa. Manetualain nde manakokolak-ka.

YEREMIA 52:7

Papala-nanadamak-kala musu-la tao lalutun. Leomae le'odae ndia hataholi Babel-la okofefeo-la kota ndia, soloda'du Yehuda-la lalai leo Dokek Yarden. Ala la'ok tunga osi manek-ka matan-na, boema ala kalua tunga lelesu ina fo mananakatututik neme papala-nanadamak kaduak sila.

YESKIAL 21:22

Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YESKIAL 21:27

Neukose, Au tao akalulutuk la'iesak kota ia, nalosa ai-batu manatapasasalak-kala, lalefu-le'ak lai basa mamanak lala'en-na. Tehu, metema Au hele hataholi fo, ana huku kota ia, ana mai soona, besak-ka dede'ak ndia, ana da'di. Neukose Au fe kota ia, neu hataholi ndia dei.’ ”

YESKIAL 26:8

Nai natee-natatik ndia dalek, neukose ala taolisa laun manai kota letelepak-kala lala'en-na. Neukose musu-a kali oelolok fo ala ke'ke lai dalek, ma ladodou dae fo da'di papala nanadamak, ma ala ho'i-la sila babaa fana matuaina-la, fo lakaduduluk-kasa da'di leo kota musu, soaneu ala la'ban o.

YESKIAL 33:21

Nai hataholi Yahudi-la bula ka sanahulun-na, fain lima, fo nai lelek ami nai mamana tu'u-tapak, nai teu ka sanahulu duan-na, hataholi esa nalai Yerusalem deak, de ana mai nafa'da au, nae kota Yerusalem-ma, ana tu'da so.

YESKIAL 40:1

Lelek ndia, la'e hataholi Yahudi-la bula ka esan-na, fain sanahulu, fo nai lelek ami nai mamana tu'u-tapak, nai teu ka duahulu liman-na, fo ndia te, Yerusalem kala basa nai teu ka sanahulu haan-na so, au ame'da Manetualain koasan-na, ana koasa-na au, de noo au de au la'o.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

LUKAS 19:43

Te'e-te'e, fai na neukose losa, nai bee o musu noo mala ala tao mana mapanggenggek okofefeok o. Neukose ala lapadei okofeo la o, ma lakaseti la o neme basa bu'uk lala'ena mai.

LUKAS 21:20

Yesus kokolak nakandoo nae, “Metema emi mita solda'du la lapadei okofeo la Yerusalem soona, neukose emi bubuluk mae kota ndia ta doo ka so'on te neukose nanatao nakalulutuk.