YEREMIA 52:18 - Susula Malalaok Hehelu Palak Ma Hehelu Beuk

¹⁸ Hata nanafua nenik-kala nde ia; ai kakaik, mei fo mamana afu, bua-lo'a banu anak, mango fo latanee lenik bana tutunu-hohotuk-kala daan-na, mango fo ala tunu-hotu boomenik boema basa bua-lo'a liti fe'ek-kala fo ala tau neu sosongo-tatangok.

YEREMIA 52:18 ပူးပေါင်းရင်းမြစ်များ

1RAJA-RAJA 7:40

Huram tao tasu, sakop ma mango boe. Basa ndia boema, basa la'iesak tatao-nono'ik lala'en-na ba'eneu Mane Salomo soaneu Manetualain Uman-na. Bua-lo'a mana daik fo ana taok-kala nde ia: Dii matuaina dua Dii langak dua lalupa mango fo nanape'dak nai dii ka duak sila-lain Namosinan-nala'ek nai dii langak-kala esa-esak Dalima liti natun haa de nananakatoto'dok nai dalak dua dalek fo okofefeo la namosinan-nanaane ka nai dii langa kala esa-esak Kaleta sanahulu Bokol matuaina sanahulu Ule bobongo manalu liti Sapi liti fo manato'ba ule bobongo manalu ndia sanahulu dua Tasu, sakop ma mango. Basa bua-lo'a manadaik soaneu Manetualain Uman ndia fo Huram tao fe Mane Salomo-a, nanataok neme liti ma nanalosek losa mangadilak.

1 TAWARIKH 28:17

Boeo natutu'duk la'eneu lilopilas isik-ka dede'un fo muse nanapakek soaneu tao kokofuk, mango ma alukosu, la'eneu lilofulak ma lilopilas dede'un-nala soaneu tao pingak-kala,

2TAWARIKH 4:11

Huram, fo basa tuka-la malangan ndia, tao ulek, sakop, ma mango. Leondiak ana tao nabasa la'iesak Manetualain Uman-na bua-lo'an lala'en-na nandaa no hala hehelun neu Manek Salomo-a. Ana tao nabasa bua-lo'as sila-la nde ia: Dii matuaina dua Dii langak dua malupak-kala mango fo nanape'dak nai dii kaduak sila-la lain Namosina nanaanek nai dii langak-kala esa-esak Dalima natun haa nananakatoto'dok nai dalak dua dalek fo okofefeo-la namosina nanaanek manai dii langak-kala esa-esak. Kaleta sanahulu Bokol matuaina sanahulu Mamana natanoe liti Sapi liti sanahulu dua fo ala tia-to'ba mamana natanoe liti ndia uledae-la, sakop-ala ma folok-kala Basa bua-lo'as fo Huram taon soaneu Manetualain Uman sila-la, ana taos leme liti mai ma ana loses losa mangadilak. Huram tao basa sila-la nandaa no Manek Salomo-a paletan na.

KELUARAN 25:29

Tao pingak, mango tee, kete ma mango soaneu tunu-hotu angol. Mei ndia lou-laan lala'en-na, muse nanataok neme lilopilas isik-ka mai.

KELUARAN 25:38

Taom-ma buas esa neme lilopilas isik-ka mai boe, soaneu tao balisi nenik banuk-ka tetelun-na ma pinga anan-na.

KELUARAN 27:3

Tao uledae, sakop, mango, besi kabaek sama leo po'da, ma la'o. Muse tao bua-lo'as sila-la neme liti-a mai.

KELUARAN 37:16

Ana tao pingak, mangotee, kete ma mango boe, soaneu tunu-hotu oe angol. Basa mei ndia hata-heton lala'en-na, nanataok neme lilopilas isik-ka mai.

KELUARAN 37:23

Nai banu eik ndia lain, ana tao banuk 7 no buas fo tao balisi banuk-ka tetelun-na ma pinga anan-na nanataok neme lilopilas isik-ka mai.

KELUARAN 38:3

Tao ma uledae, sakoob, mango, besi kabaek sama leo po'da ma la'o. Muse tao bua-lo'as sila-la neme liti mai.

BILANGAN 4:14

Ma nai tema pila balanggeok ndia lain, muse ala pe'da basa hata-heto fo nanapakek nai makaluku-makatele dale, fo nde: ha'i-a mamanan-na, kokofuk, kakaik, ma bokol. Boema, ala muse poti ketu basa sila-la nenik bana lou mangana'u anak esa, ma ala tao ai ndondolon-nala neu.

BILANGAN 4:7

Ala muse bela tema balau biak esa neu mei fo loti tunu-hotuk mamanan-na, soaneu Manetualain, ma nai mei ndia lain, muse ala pe'da pinga maloa, dulang anak soaneu boomenik-ka mamanan-na, dulang anak soaneu tunu-hotuk mamanan-na, ma kete soaneu tunu-hotu angol-la. Loti nanasadiak-ka, muse nahele nai mei ndia lain.