YEREMIA 52:13 - Susula Malalaok Hehelu Palak Ma Hehelu Beuk

¹³ Nebuzaradan de'de heni Manetualain Uman-na, uma manek-ka, ma basa hataholi nananita-nalelak nai Yerusalem uman-na.

YEREMIA 52:13 ပူးပေါင်းရင်းမြစ်များ

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

2TAWARIKH 36:19

Ana tao nakalulutuk kota Yerusalem-ma papala nanadaman-na, de ana hotu heni kota ndia, de Manetualain uman-na ma basa uma manek-kala sama-sama loo bua-lo'a kabelik fo bei manai uma manek sila-la dalek-ka, nanalekek nai dalek boe.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YEREMIA 21:10

Au aketu basa so, soaneu tao akalulutuk kota ia, te au ta sue-lain fa. Neukose kota ia nanafeek neu manek Babel-la; neukose au ot heni la'i esak-kana makandondook. Au, Manetualain, nde manakokolak-ka.”

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 22:14

Soe boe ba'eneu hataholi fo nafa'da nae, “Neukose au apadedeik uma manek fo matuaina no kama matuaina losa lain,” boema nai uma manek ndia ana taon-na jendela no bingke nala neme ai kaiyou Libanon, ma lose dama pilas neun.

YEREMIA 32:29

de hotu heni la'iesak basa-basas lo uma-la, te hataholin-nala tao lafo'a Au nasang-nga nanahu ala tunu boominik neu Baal-la ma ala di'a angol da'di leo tutunu-hohotuk ba'eneu lamatua daebafan-nala.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 38:23

Au afa'da seluk ae, “Basa Ama Manek sao anan lala'en-na neukose nananenik lo deak neu, lo hataholi Babel-lala. Ama Manek boeo neukose ta mala deak neme sila mai fa. Ama Manek-ka neukose nanaho'u nak neme manek Babel-la mai, ma kota ia nanahotu-heni la'isak-kana.”

YEREMIA 6:5

Malole lenak, ata sapu-tan, nai fai le'odaek, fo ata tao takalulutuk kota ndia, kota musun-nala.”

YEREMIA 7:14

Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

RATAPAN 2:6

Ana tao nakalulutuk Uman-na ma Anan-nala mamana nakabubuan soaneu sene-do'ok neun. Ana tao-na hataholi-a nafandele heni fai Sabat-ta ma fai malole-la. Nanahu Manetualain namanasa nanseli, Ana ta sipok imam ma manek fa.

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

AMOS 2:5

Hu ndia de, neukose Au haitua ha'i-a leo Yehuda neu fo na'a heni basa Yerusalem kota musun-nala.”

AMOS 6:11

Metema Manetualain fe paleta soona, uma matua uma ana, neukose nanatao nakalulutuk.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZAKHARIA 11:1

Hai Libanon, soi heni o lelesum-mala leona, fo ela ha'i na'a heni o ai aras-mala!

MATEOS 24:2

Boema Yesus nafa'das nae, “Ade emi mita basa uma sila la so hetu? Bubuluk leona, te ta hapu batu esa boen neme uma sila la, neukose nananakatoto'dok nahelek neu mamana na fa. Te neukose basa-basas nanatao natu'uk.”