YEREMIA 51:56 - Susula Malalaok Hehelu Palak Ma Hehelu Beuk

⁵⁶ Sila mai tao nakalulutuk Babel, ho'u leni soloda'du ma helula'di sisilon-nala. Au, Manetualainfo nde manahuku tatao-nono'i mangalauk, ma neukose Au balas Babel tunga ndia tatao-nono'ik.

YEREMIA 51:56 ပူးပေါင်းရင်းမြစ်များ

KEJADIAN 49:24

Tehu Yusuf alun-na natea nahele, kokouisin-na natea nahele, nanahu Manafoo Mabe'i-balakai lea, Yakob Manetualain-na, Israel Manamasulu-mahapan-na, koasan-na.

MAZMUR 137:8

Hai Babel, neukose o nanatao namopo-namatek! Maua-manalek ba'eneu hataholi fo, ana balas o tatao-nono'i mangalaum, fo o taon neu ami-a.

MAZMUR 37:15

Tehu hataholi mangalauk-ka, neukose tafainan-na, pau seluk-kana, sila kou-koun-na, neukose nanatao nala'dik.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

MAZMUR 76:3

Yerusalem nde been-na, mamana leleon-na; Pupukuk Sion-na, mamana leleon-na.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YESAYA 34:8

Fain-na nde ndia, fo Manetualain nasala'e Sion, ma Ana balas nape'da dalen-na neu musun-nala.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YEREMIA 49:35

Manetualain nafa'da nae, “Neukose au tao isa hataholi manakou malelak-kala fo Elam namahehenak-kala.

YEREMIA 50:10

Neukose ala loso la Babel, ma neukose manaloson-na kala ho'i la basa hata-heton tunga sila dale hihiin. Au, Manetualain de manakokolak-ka.”

YEREMIA 50:36

Susa-soe neu Babel nabi-la! Sila manamasapepekok ma nggoak. Susa-soe neu Babel soloda'du fo mahelek-kala! Ala bii lanseli!

YEREMIA 51:24

Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YEREMIA 51:48

Basa hata manai lalai ma daebafak-ka lamahoko-setele hu ka nde Babel tu'da nai leoina kii-la liman dale fo manatao nakalulutuk-kala.

YEREMIA 51:53

Leomae Babel hapu kae leo lalai, ma nafofo'a kota musu fo ta hapu dai fas, neukose Au haitua hataholi fo neu tao nakalulutuk-kana. Au, Manetualain de manakokolak.”

YEREMIA 51:6

Tulu fali ma aopaam-ma! Hu ka nde losa fain-na so fo balas Babel mangalaun-na, ma hukus tunga sila tatao-nono'in-na.

RATAPAN 3:64

Ou Manetualain, hukus nandaa no sila tatao-nono'in.

YESKIAL 39:3

Nai ndia, neukose Au fepa kokoun-na, losa tu'dahenin neme lima kiin-na mai, ma Au tao atu'daheni kokou isin-nala neme lima konan-na mai.

YESKIAL 39:9

Laun manai Israel kotan-nala, neukose beenongo fo ala mai hehele lakabubua, ala la'oela tafa-sisilo-la, fo nde babaa fanak ma tafaina, kokouk ma kokouisin-nala, boema ai kalapu'ak. Ala tao basa sila-la, da'di ai ha'i nai teuk hitu dalen-na.

AMOS 2:15

Manakou malelak-kala, neukose ta lakatatakak fa, manamalai makamiuk-kala, neukose ta hapu lalai fa, ma manasa'e ndala-la, neukose ta lala deak fa.

OBAJA 1:15

“Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

HABAKUK 2:8

O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

2 TESALONIKA 1:6

Neukose naketu-nala'di tunga matetu na, ma neukose Ana balas doidosok neu hataholi mana tao doidoso emi a.

NINITAK 17:16

O mita susula kasanahuluk ma bana ndia, neukose nakamu-nakadau manasosoa-piaok ndia. Neukose ala loso la basa hata-heton lala'ena, ma ala tao lan da'di makaholak. Neukose ala la'ahenin paa na ma ala taolisan ninik ha'i.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

SEMUEL SUSULAK-KA ESAN-NA 2:4

La'di heni palani tati batu-la kou-koun-na so, tehu hataholi tapandoes-sa, boetai balakaik.