YEREMIA 51:53 - Susula Malalaok Hehelu Palak Ma Hehelu Beuk

⁵³ Leomae Babel hapu kae leo lalai, ma nafofo'a kota musu fo ta hapu dai fas, neukose Au haitua hataholi fo neu tao nakalulutuk-kana. Au, Manetualain de manakokolak.”

YEREMIA 51:53 ပူးပေါင်းရင်းမြစ်များ

KEJADIAN 11:4

Beekola lae, “Mai fo ata tapadedeik kota, ma uma puni madema esa, poin-na losa lalai, fo ela ita nanakoa-nanakiok, ma ita ta tapasasala leo daebafak-ka lala'en-na teu fa.”

AYUB 20:6

Leomae matua-mademan losa lalai, nalosa langan-na koila'e ko'as-sa boe,

YESAYA 13:17

Manetualain nafa'da nae, “Au hoka leoina Madai, fo ala sapu-la Babel. Ta bisa solo hataholi sila-la dalen-na nenik lilofulak do lilopilas fa.

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 47:5

Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

YESAYA 47:7

O maedaenga, neukose o da'di ina manek, losa dodoon-na, te o ta mame'da, do dudu'a-dodoo fai makabuin-na fa.

YEREMIA 49:16

O koam-ma tao-na namanggoa. Ta hapu esa boen fo ana bii o sama leo o dudu'a-aafim-ma. O leo nai batu maka'bik fo dook-ka nai lete poik. Tehu mae o tao uma nai mamana madema nanseli; deman-na sama leo manupui kaka-ka ndunun-na, Manetualain nakona o neme ndia. Manetualain fo nde nafa'da basa sila-la.”

YEREMIA 50:21

Manetualain nafa'da neu leoina maneme kii-la mai, “Sapu-ma laun Merataim ma Pekod. Do'do ma tao mamopo-mamate heni sila. Tao tunga Au paletang-nga. Au, Manetualain de manakokolak.”

YEREMIA 50:25

Au mamanak pepe'da sisilong-nga nanasoik so ma no basa nasamelung Au kalua sisilo sila, hu ka nde Au Manetualain fo Matua Madema ma Manakoasa neukose tao tataos esa nai Babel.

YEREMIA 50:45

Hu ndia de, mamanene hat fo Au sanga tao neu kota Babel, ma hata fo neukose Au tao soaneu laun-nala. Neukose anan-nala boe ala loso lenis ma neukose basa hataholi-la bii-mamata'u.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:25

Hei Babel, o sama leo letek fo ana tao nakalulutuk basa daebafak. Tehu Au, Manetualain neukose la'ban o, Au hele loloso ma loli o leo ha'i fo ela ha'i na'a heni o da'di afu.

YEREMIA 51:48

Basa hata manai lalai ma daebafak-ka lamahoko-setele hu ka nde Babel tu'da nai leoina kii-la liman dale fo manatao nakalulutuk-kala.

YEREMIA 51:56

Sila mai tao nakalulutuk Babel, ho'u leni soloda'du ma helula'di sisilon-nala. Au, Manetualainfo nde manahuku tatao-nono'i mangalauk, ma neukose Au balas Babel tunga ndia tatao-nono'ik.

YEREMIA 51:58

Papala-nanadamak mahelek manai Babel-la neukose Au tao akalulutuk-kana fo ala bela leu dae. Basa lelesu ina madema-nala neukose Au de'de henis. Leoina-la sosota-mamangun sosoa-ndandaan ta, hu ka nde neukose ha'i na'a henis. Au, Manetualain Fo Manakoasa de manakokolak.”

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

HABAKUK 2:9

O nanasoo-supak! No o tataom ndia de, o teidalem-mala lamasu'i nenik nanalak fo hapun tunga tatao-nono'i susue-lalai taak-ka, fo ela o umam-ma nee-nee lino-lino, ma o mala susa-soe deak.