YEREMIA 51:30 - Susula Malalaok Hehelu Palak Ma Hehelu Beuk

³⁰ Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YEREMIA 51:30 ပူးပေါင်းရင်းမြစ်များ

MAZMUR 107:16

Nana, Ana tao natu'u lelesu liti-la, ma Ana tao nakalulutuk ai betu balak besi-la.

MAZMUR 147:13

Nana, Ana tao natea-nahele, o lelesuinam-mala, ma Ana fe o laum-mala, baba'e-papalak.

MAZMUR 76:5

Tete'ek-ka, O matua-madema, ma mandela-masa'ak, lena heni lete-letek makahulun eli.

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 47:14

Mitak, sila sama leo ha'deaik fo, ha'i na'an; ala ta hapu soi-tefa-la sila aoinan-nala mesak-kana fa! Ha'i ndia, pilan-na, nahaa nanseli ba'eneu sila ta nde ha'i mato'bik fo dala fa.

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

YEREMIA 50:15

Eki kokoa musu nafeo kota ndia! Besak ia Babel bii so. Papala nanadaman-nala nana tao nakalulutuk. Besak ia Au tao babalak neu Babel. Hu ndia de taos sama leo sila tao hataholi fe'ek-kala.

YEREMIA 51:32

Mamana lelenak-ka musu namatuk nan so, ma mamana mahele matua nanade'de henik. Soloda'du Babel da'di ngenge.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

AMOS 1:5

Neukose Au tao alutu Damsyik lelesuinan-nala, ma neukose Au sapu balisi Bafak Awen laun-nala, neme mamana leleon-nala mai. Neukose Au akona heni hataholi manakoasa manai Bet-Eden-nala leme kandela manen-nala lain mai, ma neukose Siria laun-nala nanafook, fo loos leo nusa Kir-ra neu.”

NAHUM 3:13

O solda'du mala ndole-ndaku, sama leo inak-ka, ma o nusam-ma nasasalematak no musu-a soona, mopo be'i-balakain. Neukose ha'i na'a heni o lelesuinam-mala ai betubalan-nala.

NINITAK 18:10

Neukose lapadeik leme doo ka mai, nana ala bii sila la'e doi-doson. Lafa'da lae, “Awii, susa-soen ba'una seli ba'eneu kota Babel fo mabe'i-balakaik, kota fo nananita-nalelak ndia! Nai ka'da li'u esa mesa kana de o huhuku ma nananakalala'ok!”