YEREMIA 51:24 - Susula Malalaok Hehelu Palak Ma Hehelu Beuk

²⁴ Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

YEREMIA 51:24 ပူးပေါင်းရင်းမြစ်များ

MAZMUR 79:10

Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

YESAYA 48:14

Emi basa-basam-mala makabubua, fo mamanene leona! Nai lamatua daebafak-kala tala'da, ta hapu mananeuk-nala, nae Au hataholi heheleng-nga, neukose ana sapu-la Babel; neukose ana tao hata fo, Au ahiik-kana.

YESAYA 61:2

Ana nadenu au, fo au tui-benga ae Manetualain fai soi-tefan-na, ana deka so; soaneu kokoe-nanasi basa manadale he'dik-kala, ma balas sila musun-nala;

YESAYA 66:6

Mamanene! Te hapu hala makalupuk nai kota; hapu halak neme Au Umang mai; ndia nde Au halang fo, balas musu-a!

YEREMIA 25:14

Neukose Au bala hataholi Babel-la tatao-nono'in-nala; neukose sila nanataok da'di ata neme manek matua-la ma neme leoina ba'uk-ka,’ ”

YEREMIA 50:10

Neukose ala loso la Babel, ma neukose manaloson-na kala ho'i la basa hata-heton tunga sila dale hihiin. Au, Manetualain de manakokolak-ka.”

YEREMIA 50:15

Eki kokoa musu nafeo kota ndia! Besak ia Babel bii so. Papala nanadaman-nala nana tao nakalulutuk. Besak ia Au tao babalak neu Babel. Hu ndia de taos sama leo sila tao hataholi fe'ek-kala.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:23

O nanapake fo tao mamopo-mamate manafoo bana-manu-la, manatao tina-osi ma kapa naue-nala, manakoasa ma malanga soloda'du mademan-nala.”

YEREMIA 51:35

Laun Sion, mafa'da nae, “Neukose Babel hapu makata'ak fo ana tao neu ita!” Yerusalem laun-nala mafa'da mae neukose Babel hapu nakata'ak fo nasasa'es neu ita.

YEREMIA 51:49

Mate-mopo basa hataholi manai daebafak-ka hu ka nde Babel, tehu besak ia Babel tu'da neu hataholi Israel fo nanatao nisak-kala. Au, Manetualain de manakokolak-ka.”

YEREMIA 51:56

Sila mai tao nakalulutuk Babel, ho'u leni soloda'du ma helula'di sisilon-nala. Au, Manetualainfo nde manahuku tatao-nono'i mangalauk, ma neukose Au balas Babel tunga ndia tatao-nono'ik.

RATAPAN 3:64

Ou Manetualain, hukus nandaa no sila tatao-nono'in.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 18:24

Babel nanahukuk nana nai kota ndia dalek, hapu nabi la daa na, Manetualain hataholi kamahehele nala daa na so – dede'a keke'u na, basa hataholi fo nanataonisak nai daebafa ka, daa nala.

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”