YEREMIA 51:18 - Susula Malalaok Hehelu Palak Ma Hehelu Beuk

¹⁸ Sila sosongo-tatangok belin ta landaa hakinonolik ma nananakadadaek. Neukose losa fain-na te sila mate-mopo.

YEREMIA 51:18 ပူးပေါင်းရင်းမြစ်များ

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 2:18

Neukose mopo makandondook sosongo-tatangok-kala.

YESAYA 46:1

Babel lamatua daebafan-nala, babasan-na nde ia; makahulun-na, dodoki-dudulak Bel ma Nebo, nanasene-do'ok, tehu besak ia, nanafuak nai bana-manu lain, de ala da'di lelepa mabela, soaneu bana-manu manasota-manguk-ka.

YESAYA 57:12

Tehu Au afa'da neu emi; te emi tatao-nono'i malolem ndia, ta neu isik fa, ma basa emi tatao-nono'i ma lala'en-na, sosoa-ndandaan ta ba'eneu emi.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YEREMIA 10:15

Sosongo-tatangok sila beli taak-kala, nanda nanahokinonolik ma nananakadadaek. Metema losa fain-na soona sila mopo-mate.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 46:25

Manetualain Fo Manakoasa, fo Israel Manetualain-na, nafa'da nae, “Neukose Au huku-doki Amon, lamatua daebafak manai Tebe-a ma basa Masir no lamatua daebafan-nala ma manen-nala. Manek Masir-ra ma basa hataholi ta lamahena neun nana

YEREMIA 48:7

Moab! O mamahena ka'da o be'i-balakaim masu'i-beten. Tehu besak ia neukose o nanatao nakalak. Kamos, o lamatua daebafam-ma, basa inam-mala ma basa mauli-malangam-mala neukose nanafoo nenik leo mamana ookak-ka neu.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YESKIAL 6:6

Basa kota Israel-la, neukose nanatao nakalulutuk, ma basa mei tunu-hotun-nala ma sosongo-tatangon-nala lakalulutu, mamana tutunu boomenin-nala heaba'es, fo besenggela-besenggali, ma sila lima tataan lala'en-na, neukose mopos.

YUNUS 2:8

Manasongo-tangok sosoa-ndandaa taak-kala, la'oela O, de ala ta lilineka so'on.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.