YEREMIA 51:11 - Susula Malalaok Hehelu Palak Ma Hehelu Beuk

¹¹ Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:11 ပူးပေါင်းရင်းမြစ်များ

1RAJA-RAJA 11:14

Boema Manetualain tao na Hadad, fo hataholi esa neme mane Edom-ma tititi-nonosin mai, ana musu no Mane Salomo-a.

1RAJA-RAJA 11:23

Manetualain boeo taon-na Rezon, fo Elyada anan-na, musu no Salomo. Rezon nde been-na, ata fo nalai neme tuan-na, fo nde Mane Hadadezer ra neme Zoba mai.

1 TAWARIKH 5:26

Hu ndia de, Manetualain nakababale Pul, fo manek Asyur-ra dalen-na, boema neu sapu-na nusak ndia. Pul boeo lalelak-kana da'di leo Tiglat-Pileser. Boema leo Ruben, Gad ma leo Manasye fo manai Yarden boboan dulu, nanafook da'di leo hataholi nanafook, de ala tu'us leo Halah, Habor, Hara ma mamanak esa deka no Lee Gozan na. Ala leo lahele lai naa losa faik ia.

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

YESAYA 10:26

Au, Manetualain Fo Manakoasa, neukose Au filuk-kasa nenik ue, sama leo Au anoli hataholi Midian-nala leme lete batu Oreb-pa. Neukose Au huku Asyur, sama leo Au huku Masir.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YESAYA 21:5

Boeo au ita feta fo, nanasadia basak so; hataholi nanaka'ik-kala mamana tutuun-na, nanasadiak. Ala la'a ma linu. No kaiboik, paleta nananamanenek nae, “Hai malanga solda'du matuaina-la lemin! Mafafa'u emi babaa fanam-mala!”

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 45:5

Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YESAYA 46:11

Au aloo manakoasa esa, neme dulu mai ana mai sama leo manupui makaa-makisuk esa fo nakalala'ok Au nakeketung-nga. Hata fo Au afa'dan soona, neukose Au tao-no'in, hata fo, Au tutu'un soona, tao leo bee-o, neukose Au taon.

YEREMIA 46:3

“Soloda'du Masir-rala eeki lapane'e neu sila soloda'du matee-matatin-nala lahehele aon-nala, ‘Tao matane tee-la! Pake ba'du besik ma topi bai! Siap ba'du baba fanak fo mu lo balisan dale mu! Emi, soloda'du matee-matatik manasa'e ndala-la, makak lapa neu ndala-la bafan-nala! Sa'e emi ndala-mala, tutulu matak fo matee-matati!’

YEREMIA 46:9

Malaik leon-na hai ndala-la lemin! Makababalek ao leon-na hai kaleta-la lemin! Tutulu matak leon-na hai palani tati batu fo mananeni ba'du baba fanak fo maneme Sudan ma Libia-la lemin. Boema emi fo manakou malelak maneme nusak Lidia-la lemin!’ ”

YEREMIA 50:25

Au mamanak pepe'da sisilong-nga nanasoik so ma no basa nasamelung Au kalua sisilo sila, hu ka nde Au Manetualain fo Matua Madema ma Manakoasa neukose tao tataos esa nai Babel.

YEREMIA 50:3

Leoinak esa neme kii mai fo ana tao musu neu Babel ma ana tao nusak ndia da'di nusa ma'dak. Hataholi no bana-manu-la neukose lalai ma esa ta nau leo nai na.”

YEREMIA 50:45

Hu ndia de, mamanene hat fo Au sanga tao neu kota Babel, ma hata fo neukose Au tao soaneu laun-nala. Neukose anan-nala boe ala loso lenis ma neukose basa hataholi-la bii-mamata'u.

YEREMIA 50:9

Neukose Au fe leoinak luma be'i-balakaik leme kii fo ala sapu-la Babel. Neukose ala tu'u enok fo ala tao musu neu Babel ma sengi henis. Sila nde been-na mana kou malelak-kala fo kokoun-na ta sala fa.

YEREMIA 51:12

Tao ta'du-tana neu papala-nanadamak Babel. Manea mahele. Pe'da manamanea. Nahani hohouk.!” Manetualain tao basa hata fo Ana sanga tao neu hataholi Babel.

YEREMIA 51:24

Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

YEREMIA 51:35

Laun Sion, mafa'da nae, “Neukose Babel hapu makata'ak fo ana tao neu ita!” Yerusalem laun-nala mafa'da mae neukose Babel hapu nakata'ak fo nasasa'es neu ita.

YEREMIA 51:36

Hu ndia de Manetualainnafa'da neu Yerusalem laun-nala nae, “Neukose Au ho'u emi dede'a ma fo Au balas falik musu-la tatao-nono'i fo ala tao neu emi. Oe mata-la ma lee-la neukose Au tao ama'das.

DANIAL 5:30

Nai le'odaek ndia boe, Belsyazar fo mane Babel ndia nanataonisak.

YOEL 3:10

Tutu o tata'tim-ma da'di tafaina, ma tao o dope nggenggeum-ma da'di tee isik. Hataholi tapandoes-sala boeo, muse lafa'da lae, ‘Au atee-atati abe'i sama leo solda'du-la!’

YOEL 3:9

Po'a-benga paleta ia neu leoina-la mae, Maheheleaom fo meu matee-mata'ti ma makasusu'di balakaik! Hoka basa meo-la ma palani ta'ti batu-la; tao makabubua basa solda'du-la fo tutulumatak!

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

ZAKHARIA 14:12

Neukose Manetualain fe he'di-laus mangalauk, neu basa leoina fo latee-lata'ti basa loo Yerusalem so. Hataholi sila matan-nala, ma maan-nala, nakalenak basa aoinan-nala lala'en-na, neukose laboo, te bei kaso'dak-kala.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.