La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!
Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.
Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.
Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.
Musa nafa'da hataholi Israel-la nae, “La'o heok meme hataholi mangalauk ia-la, lalaa teman-nala mai, ma boso koila'e sila hata-heton esa boen Metema, emi ta tunga fa soona, neukose emi nanatao namopo-namatek sama-sama moos, nanahu sila sala-singon-nala.”
Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.
Boema au amanene hala fe'ek esa neme nusa so'da ka mai nae, “Kalua leona, Au hataholi kamahehele ngala lemin! Kalua meme dalek mai leona! Emi boso tunga sala-singo nala, ma boso tunga lu'a-lepa huhuku na!