YEREMIA 50:7 - Susula Malalaok Hehelu Palak Ma Hehelu Beuk

⁷ Basa hataholi manamatongo no sila sapu las ma ala fe doidosok. Au anang-ngala musu-la lafa'da lae, ‘Beek fo ita tao ndia ta sala fa hu ka nde hataholi sila tao salak neu Manetualain. Bei-ba'ikain-nala lamahele neu Manetualain, boeo sila lamahele ka'da neu Manetualain.’

YEREMIA 50:7 ပူးပေါင်းရင်းမြစ်များ

MAZMUR 71:5

Nana au namahehenang-nga nde O ou Manetualain, Manetualain, au amahele O, neme tepo lelek, au muli-solung-nga.

MAZMUR 79:7

Nana ala tao lamopo-lamate O anam-mala so, ma ala tao lakalulutuk mamana leleon-nala.

MAZMUR 90:1

Musa, fo Manetualain atan-na, huhule-haladoin. Ou Manetualain, O nde ami mamana nasulu-nahapan, neme bobongik leo bobongik neu.

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YESAYA 56:9

Manetualain nadenu leoina nusa dea-la, ala mai sama leo bana makaa-makisuk-ka, fo ana kaa-na, anan-nala.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YEREMIA 10:25

Po'a-ngganga O nasam-ma neu leoina fo ta nalelak O fa ma ta nau lakaluku-lakatele neu O fa. Nana sila tao lamate-lamopo O anam-mala makandondook ma ala tao lakalulutuk ami nusam-ma.

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YEREMIA 17:13

Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 2:3

Israel, Au nuu heheling o, Au ana bonging, fo Au sue-laik-ka. Au fe soe-a, ana tuni-ndeni-nala, basa hataholi fo, manataon-na o doi-doso, Au, fo Manetualain nde manakokolak-ka.”

YEREMIA 31:23

Manetualain Fo Manakoasa, fo Israel Manetualain-na nafa'da nae, “Metema Au tao-a Au anang-ngala lalole-lanapu sama leo makahulun-na soona, nai nusak Yehuda no nggolo-ta'dun-nala neukose hapu lamanene seluk hataholi-la kokolak lae, Sa'di leo Manetualain been-na ba'e-pala pupukuk malalaok-ka nai Yerusalem fo mamanak leleok fo malalaok ba'eneun.

YEREMIA 33:15

Neu faik ndia te, Au hele hataholi esa fo ndos ma matetuk neme Dauk tititi-nonosin neukose ana da'di manek. Manek ndia neukose ana tao hata fo ndos ma matetuk ma tete'ek-ka nai basa nusak-ka lala'en-na.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YEREMIA 50:14

Hei emi manakou-la lemin! Tutu'u enok fo okofeo ma sapu-la Babel. Fe o kokou isim-ma lasale leo Babel, hu ka nde ana tao sala-singok neu Au.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 50:33

Manetualain Fo Manakoasa nafa'da nae, “Hataholi Israel ma Yehuda-la nananakanenetek. Basa mana okak sila-la lanea laheheles ma ala ta nau po'i emi fa.

YESKIAL 34:5

Hu kande bi'ilopo sila-la, manafoon ta, boema ala tapasasala, de bana fuik-kala la'ahenis.

YESKIAL 35:12

Soona besak-ka emi bubuluk mae Au, fo Manetualain, amanene basa emi hakinonolim-ma, nai lelek emi mafa'da mae, Israel leten-nala louk so, ma nanafek leo ita mai, fo da'di ita nana'an.

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

DANIAL 9:6

Ami ta mamanene O atam fo nde nabi sila-la fa, ala kokolak basa nenik O na'dem-ma neu ami manem-mala, basa mauli-malangan-nala, basa ami bei-ba'i kaim-mala ma neu ami laoinam lala'en-na.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

ZAKHARIA 11:5

Hataholi manaasak-kala, do'do bi'ilopo sila-la, te ala ta hapu huhukuk fa. Hataholi fo lase'o bi'ilopo sila-la paan-na, lafa'da lae, ‘Koa-kio Manetualain leona! Besak ia, ita boetai tamasu'i!’ Manafoo sila-la, dalen-nala ta tu'da kasian neu sila bi'ilopon-nala fa.

1 TIMOTIUS 1:1

Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.