YEREMIA 5:4 - Susula Malalaok Hehelu Palak Ma Hehelu Beuk

⁴ Au dudu'a-dodoo ae, “Ah, sila ka'da laun matasi'da-matasaek, fo ala ta bubuluk hata-hata fa. Ala tao tunga sila nggoan-na, nanahu ala ta bubuluk hata fo, Amak Manetualain nahiik-kana, ma noken neme sila mai.

YEREMIA 5:4 ပူးပေါင်းရင်းမြစ်များ

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 29:12

Metema, nenin leo hataholi manalees malela tak-ka neu soona, neukose nataa, nae ndia ta lees nalelak fa.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 7:8

Tehu, te'e-te'e palsuma la'iesak-kana, emi mamahele dede'a masapepeko-masandandalik.

YEREMIA 8:7

Manupui danoe-a boeo, ana bubuluk fai fafalin-na; manupui kateu-a, manupui lalao-a, ma koa boeo, ala bubuluk fai, fo ana lali mamanak. Tehu emi, fo Au anang-ngala, ta malelak hoholo-lalanek fo Au fen neu emi-a fa.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.