YEREMIA 5:31 - Susula Malalaok Hehelu Palak Ma Hehelu Beuk

³¹ nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 5:31 ပူးပေါင်းရင်းမြစ်များ

1RAJA-RAJA 22:6

Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose Manetualain fe kota ndia neu Ama Manek.”

AMSAL 17:4

Hataholi mangalauk-ka, tunga mangalauk-ka nanoli-nafa'dan, ma masapepeko-masandandalik-ka, hii namanene dede'a-kokolak fo, tao nanggenggeo hataholi na'den-na.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 20:6

Nai lelek ndia, hataholi manaleo nai tasi su'uk-kala, neukose lafa'da lae, ‘Mitak hata fo ana da'di neu leoina fo, ita tasalai ita dean-na neun, fo nasulu-nahapa ita neme mane Asyur-ra mai. Masa bole ita taso'da?’ ”

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 43:27

O bei-ba'i kai makasososam-ma lasala-lasingo basa so, basa o mauli-malangam mala, ala la'ban Au so,

YESAYA 47:7

O maedaenga, neukose o da'di ina manek, losa dodoon-na, te o ta mame'da, do dudu'a-dodoo fai makabuin-na fa.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 14:14

Tehu Manetualain nataa nae, “Nabi sila-la leni hala pepeko-lelelok pake Au na'deng-nga; Au ta adenu sila fa, ma manafe paleta taak do kokola O sila fa. Ninita-ninitak fo ala tui-bengak-ka ta neme Au mai fa; Ala neuk dede'a-dede'ak sosoa-ndandaan taak, fa ka'da ala tao aon-nala.

YEREMIA 26:7

Basa hata fo Au afa'dak manai Manetualain uman ndia, basa imam-mala, basa nabi-la ma laun-nala lamanenen.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 2:14

Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

RATAPAN 4:18

Ami ta hapu kalua leo enok lain meu fa, nana metema ami kalua soona, musu nook-ka maku ami tataas esa. Ami so'dam-ma sanga deka nate'e, nanahu ami faim-ma dai so.

YESKIAL 13:10

Hai nabi masapepekok-kala lemin! Emi taom-ma Au anang-ngala latofa-latalak, nenik emi mafa'da mae basa hata lala'en-na, nee-nee lino-lino. Te se'kona ta leondiak fa! Au anang-ngala, ala tao papala nanadamak nenik batu bata, de basa boema emi mai de, emi lose ha'o neu papala nanadamak sila-la.

YESKIAL 13:6

Sila ninitan-nala, ta la'e fan, ma sila dede'a nafa'da elan-nala, pepekok. Ala manaku lae, sila leni Manetualain hala hehelun-na, te se'kona Au beita adenu ita sila fa. Da'di tao leo beek fo, sila lamahena sila dede'a nafa'da elan sila-la, ala da'di?

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

HOSEA 4:9

Boema, neukose emi doi-doso sama-na leo sila! Neukose Au huku emi, nandaa no emi tatao-nono'im-mala.

HOSEA 6:10

Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

HOSEA 9:5

Nai lelek emi tao agama fai malolen-nala, emi ta hapu tao hata esa boen, soaneu fe ha'da-holomata neu Manetualain fa.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MIKHA 2:6

Hataholi manatui-benga fe au-a, nafa'da nae, “Boso tui-benga fe ami. Boso tui-benga la'eneu basa sila-la. Te neukose ami ta hapu mamaek fa.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.