YEREMIA 5:27 - Susula Malalaok Hehelu Palak Ma Hehelu Beuk

²⁷ Sama leo hataholi manausi manupui-a, ana tao manupui leo manupui ndunuk dale neu, leondiak boe, sila tao bua-lo'a tipu-daik leo sila uman dale neu. Hu ndia de, ala da'di manakoasa, ma kamasu'ik,

YEREMIA 5:27 ပူးပေါင်းရင်းမြစ်များ

AYUB 12:6

Tehu, hataholi manabonga uma, so'dan-na nee-nee lino-linok; hataholi fo, napalani la'ban Manetualain-na, so'dan-na tetu-temak. Te se'kona, lasalai dean-nala neu lamatua daebafak-ka, fo ka'da be'i-balakaik mesak-kana.

YESAYA 3:14

Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

HOSEA 12:9

Lafa'da lae, ‘Besak ia, ita tamasu'i, Ita hapu nanalak! Ta hapu hataholi esa boen, bisa ana kalaak ita, nae ita hapu su'i-betes sila-la, nenik enok tipu-daik fa.’

MIKHA 1:12

Susa-soe neme Manetualain mai, ana losa nai Yerusalem lelesuinan-na so! Hu ndia de, hataholi Marot-tala, ta bisa lamahena tutulu-fafalik so'on.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

NINITAK 18:2

Nalo bou-bou napane'e nae, “Ana tu'u neu so! Babel matuaina ana tu'u neu so! Besak ia kota ndia da'di nitu la ma dula dale mangalau kala mamanan so. Basa manupui manggenggeok mata-matak fo hataholi a ta nahii kasa, ala leo lai dalek.