YEREMIA 5:24 - Susula Malalaok Hehelu Palak Ma Hehelu Beuk

²⁴ Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

YEREMIA 5:24 ပူးပေါင်းရင်းမြစ်များ

KEJADIAN 8:22

Metema daebafak ia, beita mopo fan soona, neukose hapu tataas esa, no fai sele-nggalik ma fai ketu-koluk, fai makasufuk, ma fai mato'bik, fai hanas ma fai oefaak, lele'dok ma le'odaek.”

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

AYUB 29:23

Basa hataholi-la sipok au dede'a-kokolang, no namahoko-seteleek, sama-na leo, hataholi manatao tina-osi-a, ana sipok u'dan-na nai fai sele-nggalin-na.

AYUB 38:37

See dodole maneun-na dai, soaneu ana leke ko'as-sa, fo nasafalin, nalosa u'dan-na mai,

AYUB 5:10

Ana fe u'dan leo daebafak-ka mai, nalosa tina, ma mook-kala hapu oe.

MAZMUR 147:8

Ndia nde, nakapepela ko'as-sa nail alai; Ana sadia u'dan, ba'eneu daebafak-ka, ma Ana fe na'u-la, moli lai pupukuk-kala.

MAZMUR 65:9

Basa laun daebafak-ka, ala bii-lamata'u ma fe ha'da-holomata lelek lita O tatao-nono'i matuainam-ma. O taom-ma, basa daebafak-ka lala'ena, neme bu'uk leo bu'uk neu-a, ala eeki-latadale.

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

ZAKHARIA 10:1

Metema fai hanan-na losa soona, moke u'dan neme Manetualain mai. Soona neukose, Manetualain Ana tao-na lalai nasakoko'a, fo u'daina mai, nalosa tina osi da'di momo'dok ma lalole, ba'eneu hataholi lala'en-na.

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

HATAHOLI 14:17

Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

ULANGAN 28:12

Neukose tunga teuk, Manetualain fe u'dan-na mai nandaa no fain-na. Neukose Ana fe baba'e-papalak neu emi ue-le'dim lala'en-na, nalosa leoina makadotok, ala mai tona-asa nai emi, tehu emi ta bole fes ala tona-asa fa.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.

NINITAK 11:6

Ala hapu koasa soaneu kena lalai fo u'da na boso mai nai lelek ala po'a-benga Manetualain dede'a-kokolan. Sila boeo koasa basa oemata la, fo ala tao lasafali oe da'di daak. Ma duas boeo lanuu koasa soaneu fepa daebafa ka ninik susa-soe mata-mata kala, faihi'da ndia boe sa'di ala nau taon.