YEREMIA 5:23 - Susula Malalaok Hehelu Palak Ma Hehelu Beuk

²³ Tehu emi malanga batu manseli, ma hii ka'da lena-la'bak; emi singo heni enok-ka, de la'oela Au.

YEREMIA 5:23 ပူးပေါင်းရင်းမြစ်များ

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 31:6

Manetualain nafa'da nae, “Hai leoina Israel-la lemin, emi la'ban basa Au, mamasala-masingo neu Au so. Tehu besak ia, fali ma'im-ma, leo Au mai leona!

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 4:17

ma lakahapi-la Yerusalem, sama leo hataholi-a nanea tina. Basa sila-la ala da'di, nanahu leoina Yehuda, ana ta tunga Manetualain paletan-na fa. Manetualain nde manakokolak-ka.

YEREMIA 5:5

Malole lenak au u leo hataholi matua-madema-ma u, fo au kokolak os. Tao leo bee-o, ala bubuluk hata fo, Amak Manetualain nahiik-kana, ma noken neme sila mai.” Tehu sila basa-basas boeo, ta nau Manetualain paleta sila fa; ala ta nau tunga fan.

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

HOSEA 11:7

ma latea-lahele soaneu la'oela Au. Hu ndia de, neukose nanatuni-ndenik-kala, fo leomae ala nggasi loke tutulu-fafalik boeo, ta hapu hataholi tulu-fali fas.”

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

ZEFANYA 3:1

Soo-supak neu Yerusalem, kota manggenggeok ma kota fo anan nau ka'da lena-la'ban Manetualain ma ana tuni-ndeni laun-nala!

ULANGAN 21:18

“Metema, ni'iana touanak esa, nalanga batu de ana hii ka'da lena-la'ban, ma ana ta nau tunga ina-aman paletan-na fa, leomae ina-aman huku hain so.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!