YEREMIA 5:22 - Susula Malalaok Hehelu Palak Ma Hehelu Beuk

²² Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

YEREMIA 5:22 ပူးပေါင်းရင်းမြစ်များ

KEJADIAN 1:9

Basa boema, Manetualain kokolak nae, “Ela leo been-na, oe manai lalai-a dae, ana faa leo mamanak esa neu, fo ela hapu dae ma'dak.” Boema ana da'di leona.

1RAJA-RAJA 13:28

Ana nita nabi fo maneme Yehuda mai ndia popolan-na bei lee-lee nai enok lain no keledei na ma singa nai boboan-na. Singa ndia ta kaa keledei ndia fa, ma ta na'a popolak ndia boen.

AYUB 26:10

Ana dulak dula bobongok neu tasi maloaina poin-na, fo Ana ta'da fe'e mangale'dok-ka neme makahatuk-ka mai.

AYUB 37:24

Hu ndia de, su'di see boe, muse fe ha'da-holomata neun, ma Ana ta paluu taoafik neu hataholi fo, ana manaku nae, ndia hataholi dodole maneu fa.”

AYUB 38:8

See kande, kena-ketu lelesu-a, fo ana bakate'te tasi maloaina nai lelek oe-a nasapupulak, neme daebafak-ka buin-na mai?

MAZMUR 104:9

O maketu too-lane, fo ana ta bole tunga ndia fa, fo ela ana boso fali ma'in, fo lifu-na daebafak-ka.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 33:7

Ana tao nakabubua tasi oe-a, neu mamanak esa, nakataka nahele tasi maloaina nai te'te dale.

MAZMUR 46:3

Hu ndia de, ita ta bii-tamata'u fa, leomae daebafak-ka nanggengo, ma letek-kala bolo leo tasi maloaina buin-na leu;

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

AMSAL 8:29

nai lelek Ana paleta tasi oe-a fo ela boso seli daetoon-nala. Au emen-na boe nai lelek daebafak-ka neten-na nanape'dak.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 64:2

sama leo ai-a, tao napila ha'i-a, de tao-na oe nakadoto. Fe O musum-mala, lita O koasam-ma, nalosa leoinak-kala dele nai O matam-ma.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 10:7

See ndia fo ana ta nau namahele fa, neu O, manek la'eneu leoina-la? Te'e-te'e o manafe ha'da-holomata nanseli. Neme basa malelak fo manai leoina-la tala'da ma neme basa sila manen-nala mai, ta hapu hataholi esa boen naksasamak no O fa, Ou Manetualain.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 31:35

Manetualain sadia le'do-a soaneu tao nasala matalele'dok-ka; Bula ma nduk-ka nasala soaneu le'odaen-na. Ana ee'do-aadi tasi-a de nalosa lii-la laponu, Manetualain Fo Manakoasa, fo na'den-na na'de ndia.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

AMOS 4:12

Hu ndia, hai hataholi Israel-la lemin, neukose Au huku emi. Da'di maheheleaom leona, fo masasalematak moo huhukuk fo neukose Au fen tuni-na emi!”

AMOS 9:6

Manetualain nafofo'a Uman-na nai dook-ka nanseli, nai lalai Ana pasak lalai-a nai daebafak-ka poin-na, fo da'dileo Ndia danon, ma Ana po'a tasi oe-a leo dae ma'dak lain neu, fo manatao basa sila-la, na'den-na nde Manetualain!

YUNUS 1:16

Ofa isi sila-la, bii lanseli neu Manetualain, de ofak-ka see boema, ala tunu-hotu tutunu-hohotuk, ma ala helu dede'a mata-matak-kala neu Manetualain.

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MARKUS 4:39

Yesus fo'a boema nasapala anina, ma dano ndia nae, “Makamate leona!” No besak ndia boe, ani na nakamate, ma dano nee-nee lino-lino.

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

ULANGAN 28:58

Metema, emi ta tunga no emi dalek katematuam-ma, neu basa emi Manetualaim-ma hoholo-lalanen fo, nanasulak nai susulak ia dalek fa soona,

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”