YEREMIA 5:12 - Susula Malalaok Hehelu Palak Ma Hehelu Beuk

¹² Manetualain anan-nala, lafa'da hata fo ta la'e fan, la'eneu Manetualain. Ala lafa'da lae, “Ah, neukose Ana ta tao hata-hata fa. Neukose soe ta la'e ita fa, ma neukose ita ta la'ola'di natee-natatik, do la'a-ndoes fa.

YEREMIA 5:12 ပူးပေါင်းရင်းမြစ်များ

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 10:6

Ana kokolak nai dalen dale nae, “Neukose, au ta fali hiik fa, ma neme bobongik leo bobongik neu-a, sama leo hataholi fo so'dan-na ta mangalauk-ka fa.”

MAZMUR 14:1

Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 28:4

Au boeo o falik Yoyakhin ana manen Yoyakim fo manek Yehuda, no basa Yehuda laun-nala fo nanafoo nenik lo Babel neu-a. Te'e-te'e neukose Au tao alu'u Babel be'i-balakain. Au, Manetualain, nde manakokolak-ka.”

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

YEREMIA 43:1

Manetualain fo Israel Manetualain-na hala haituan-na fo au muse anduku-alosak-kana neu laun-nala ndia, au anduku-alosak la'iesak-kana so.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 6:14

Ala mete Au anang-ngala bisun-nala soona lae, ka'da bisu anak mesan. Lafa'da lae, ‘Ah, ta hata-hata fa,’ basa-basan malole ma ta hata-hata fa. Te se'kona, ‘ta leondiak makandondook fa.’

YESKIAL 13:6

Sila ninitan-nala, ta la'e fan, ma sila dede'a nafa'da elan-nala, pepekok. Ala manaku lae, sila leni Manetualain hala hehelun-na, te se'kona Au beita adenu ita sila fa. Da'di tao leo beek fo, sila lamahena sila dede'a nafa'da elan sila-la, ala da'di?

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

ULANGAN 29:19

Metema, emi nggelok mamanene paleta mabelaina ndia soona, ana boso dodoo nai dalen dale, nae neukose ndia ua-nalen malole nahele, leomae napalani tunga ka'da dale hihii-nanau mesan-na. Neukose dede'ak ndia, ana tao namate-namopo emi basa-basam-mala, nau hataholi manatao mangalauk-kala do hataholi manatao malole-la boe.

1 YOHANIS 5:10

Hu ndia de, hataholi fo namahele Manetualain Ana na, ana sipo na sakasii ndia nai dalen dale so; tehu ba'eneu hataholi fo ta namahele Manetualai na, ana tao Manetualain nono'kabai de masapepeko-masandandalik; nana ta namahele hata fo Manetualain nafa'dan la'eneu Ana na fa.

SEMUEL SUSULAK-KA ESAN-NA 6:9

Taoafik neu lala'on-na; metema neni Peti Hehelu-balataak ndia leo nusan-na neu, fo nde Bet-Semes soona, ndia sosoa-ndandaan nae Israel Manetualain-na, nde fe soe matuaina ndia neu ita. Tehu metema nggalobak ndia ta neu leo naa neu fa soona, neukose ita bubuluk tae soe ndia ta neme Israel Manetualain-na mai fa, te soe manada'di aok ndia.”