YEREMIA 5:1 - Susula Malalaok Hehelu Palak Ma Hehelu Beuk

¹ Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YEREMIA 5:1 ပူးပေါင်းရင်းမြစ်များ

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

MAZMUR 12:1

Soaneu mauli-malanga nakameek-ka. Tunga nakamee ka falu Dauk kokoa-kikion-na.

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

MAZMUR 14:3

Tehu basa hataholi-la, la'ok sala ma ha'da-tataon-nala ta kandaak fa, ta hapu hataholi esa boen, fo ana tao malole fa.

MAZMUR 94:16

See nasala'e au, neme hataholi malelesik-ka mai? See nook au, fo la'ban hataholi manatao tatao-nono'i mangalauk-ka?

AMSAL 20:6

Hataholi ba'uk-ka manaku aoinan-na nde been-na, tia-laik, tehu susa la'iesak-kana, hapu manalilinekak no te'e-te'ek-ka.

AMSAL 23:23

Asa-ma, nanoli ndoos-sa, manatee-tenok-ka, nanoli-nafa'dak-ka, ma dudu'a manadaik-ka, soona boso mase'o henis.

AMSAL 8:3

Nai lelesuina fo enok masok leo kota neu-a, nai ndia halan-na nananamanenek.

KIDUNG AGUNG 3:2

Au nau fo'a fo la'ok okofeo kota, au sanga nai basa enok-kala ma mangalolon-nala. Au nau sanga au touana susueng-nga; Au sangan tehu manada'di taak.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YEREMIA 2:29

Ade beek-kande taon-na emi, ta mahiik Au fa, nalosa emi la'ban Au?

YEREMIA 44:15

Boema hataholi mafandik nanseli mai lo au-a mai, fo nde basa touk lala'en-na fo lalelak lae, sila saoinan-nala fe tutunu-hohotuk neu lamatua daebafak-ka, ma basa inak lala'en-na fo manamapadeik manai ndia, fo nde hataholi Israel fo manaleok manai Patros, fo Israel boboan kona. Ala lafa'da neu au lae,

YEREMIA 8:6

Au amanene matalolole so, tehu emi ta nau kokolak tunga ndoo-na fa. Ta hapu hataholi esa boen, nai emi dalek, nasasale dale neu tatao-nono'i mangalaun-na fa. Ta hapu esa boen, fo nafa'da nae, ‘Au sala beek?’ Emi basa-basam-mala, tunga emi eno mesam-ma, sama leo ndala, ana sapu leo natee-natatik dale neu.

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

YEREMIA 9:7

Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

YOEL 2:9

Ala sapu leo kota dale leu, ma lalaik nai papala nanadamak lain. Ala kae, de leu leo uma-la dalek leu; sama leo nakodaa, de ala masok tunga jendela.

AMOS 8:12

Neukose hataholi-a naleu-nalaak neme kii leo kona ma neme dulu leo muli neu, fo ana sanga Au hala dede'a-kokolang, tehu ala ta hapu fan.

ZAKHARIA 2:4

Ata nusa so'da makasososak-ka, nafa'da ata nusa so'dak-ka dua nae, “Muu lai-lai leo touanak ndia muu, fo mafa'dan mae, neukose Yerusalem henuk no hataholi daebafak ma bana manu, nalosa ta bisa nafofo'a papala nanadamak nai boboa-kaisun fa.

LUKAS 14:21

Malalau-maoono ndia fali ma'in de nafa'da dede'ak ndia neu tua na. Boema tuan ndia namanasa nanseli, de nafa'da malalau-maoonon nae, ‘Meu lai-lai leo eno kala ma eno kaba'ek manai kota ia, fo mo basa hataholi nuu ta-hata tak, hataholi bu'u-ba'ek, hataholi poke-pakek ma hataholi lu'u ei kala leo ia mai.’

2 TESALONIKA 2:10

Ana pake basa ke'dindiu mangalauk lala'ena, fo ana ke'dindiu hataholi fo, ala ta nau sipok hala ndoos maneme Manetualain na mai. Neukose mate basa hataholi sila la, nana ala ta nau lamahele halak fo manini so'dak ndia fa.