YEREMIA 49:7 - Susula Malalaok Hehelu Palak Ma Hehelu Beuk

⁷ Manetualain nafa'da nae leo ia neu Edom, “Ade hataholi Edom-mala ta hapu dudu'a-aafi neulauk fa? Hu beek nde emi manatee-tenom-mala ta fe seluk emi dudu'a-aafik! Basa sila eno dalan so!

YEREMIA 49:7 ပူးပေါင်းရင်းမြစ်များ

KEJADIAN 25:30

Boema, nafa'da Yakob nae, “Au amala'a anseli, de fe au fufue pilas ndia faa anak.” (Hu ndia de loken soona lae Edom.)

KEJADIAN 27:41

Boema, Esau namanasa Yakob, nanahu aman fe basa ndia baba'e-papalan neu fa'din ndia so. Ana dodoo nae, “Ta dook-ka seluk fa te, mate ama so, de basa fai fafaluk-ka soona, au taoisa Yakob!”

KEJADIAN 32:3

Basa ndia boema, Yakob nadenu hataholin de'ubee lakahuluk leo nusa Edom-ma leu, fo latongo loo ka'an Esau.

KEJADIAN 36:15

Esau tititi-nonosin, mane leon-nala nde ia: Esau ana ulun Elifas, nde been-na, leo-leo manamaik ia-la bei-ba'i kain: Teman, Omar, Zefo, Kenas,

KEJADIAN 36:8

Boema Esau fo ala foin na'de Edom ndia boe, ana leo nahele neme nusak manai letelepak Seir-ra.

1 TAWARIKH 1:53

Kenas, Teman, Mibzar,

AYUB 2:11

Ayub tia-lain telu, lamanene susa-soe fo manatuni la'e Ayub-pa. Ayub tia-lai ka telun sila-la, nde Elifas neme kota Téman-na mai, Bildad fo hataholi Suah, ma Zofar fo hataholi Naama. Ala lalahalak, leu donge-dama Ayub, fo ala kokoe-nanasin.

AYUB 4:1

Boema, Elifas kokolak nae, “Ayub, metema au kokolak-na, o dalem-ma ba'ihana do ta? Au ta bisa denge-denge, ala dook-ka fa.

MAZMUR 137:7

Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

YESAYA 21:11

Hala heheluk la'eneu Esom nde ia. Hapu hataholi esa, naloo bou-bou neu au, neme Edom mai nae, “Hai manamanea nei, le'odaek ia, bei dook-ka hetu do? Bei ela li'u de'ubee seluk, fo besak-ka fafaik?”

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 49:20

Hu ndia de neme hata fo au sanga tao ba'eneu Edom, ma hata fo au tao ba'eneu laun kota Téman. Neukose anan-nala ala usi henis, ma neukose basa hataholi-la bii.

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YESKIAL 32:29

Edom no basa manen-nala, ma manapaletan-nala maten de latois nai naa. Makahulun-na, hataholi sila-la nde been-na, solda'du mabe'i-balakaik-kala, tehu besak ia, latois nai hataholi manamatek-kala mamanan-na, sama-sama loo hataholi manamate fe'ek fo, ta lalelak Manetualain fa.

DANIAL 11:41

Nakalenak neu sapu-na dae maoe-maisi-ka boe, ma neukose ana taonisa hataholi lifu-lifun. Tehu nusa Edom, Moab ma nusa Amon-na dae nananita-nalelan-nala neukose laso'da.

YOEL 3:19

Neukose Masir da'di moo solokaek, fo na'u-aiana ta moli fan, ma hataholi ta leo Edom fa, de ana da'di nusa nees. Nana sila latee-lata'ti loo hataholi Yehuda-la so, ma ala taolisa nusa sala tak-ka laun-nala.

HABAKUK 3:3

O Manetualain Fo Malalao-malalafuk nanseli, mai neme Téman mai O mai meme letelepa Paran mai. O matua-mademam poti-na lalai; daebafak-ka henuk no kokoa-kikiok ba'eneu O.

ULANGAN 23:7

Boso makadadaek hataholi Edom-mala, nanahu emi tolanom sila-la. Boeo, boso makadadaek hataholi Masir-ra, nanahu emi leo hai neme sila nusan-na so.