YEREMIA 49:3 - Susula Malalaok Hehelu Palak Ma Hehelu Beuk

³ Hei hataholi Hesybon, kii leo nanahu nusa Ai-a nakalulutuk so! Hei anafe'o anak nusa Raba, kii leo! Pake si'di kalong da'di ta'du tana dale he'dik, malai kii-konak henuk no mapangamak. Neukose o lamatua Milkom-ma nanafoo nenik leo mamana ookak-ka sama-sama no basa manaho'u-paleta ma basa imam-mala!

YEREMIA 49:3 ပူးပေါင်းရင်းမြစ်များ

2 SEMUEL 11:1

Nai faik fo manek-kala leu latee-lata'ti, Dauk nadenu Yoab no basa malanga solda'du matuaina-nala, ma solda'du Israel-la lala'en-na, leu latee-lata'ti; boema, ala sengi hataholi Amon-nala, ma lakahapi-la kota Raba. Tehu Dauk leo neme Yerusalem.

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

1RAJA-RAJA 11:5

Salomo sene-do'ok neu Astoret, fo leoina Sidon lamatua daebafa inan-na, ma lamatua daebafa Molokh fo nanamaluak fo leoina Amon-na sene-do'ok-ka.

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 14:31

Kii-makaleleu leona, ma nggasi moke tutulu-fafalik, hai kota-kota Filistin-nala lemin! Ela leo been-na, emi basa-basam bii-mamata'u! Ko'de ndenuk-ka, namasu neme kii mai, de ana fe ta'du nae, musu solda'dun-na, ala mai; nai sila dalek, ta hapu hataholi nakadedeak fa.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 16:7

Hu ndia de, nemen-na fo, leoina Moab-pa, esa kii-makaleleu esa. Nemen-na fo ala kii, metema lafandele-la nana'a mala'da fo, ala biasa la'an nai kota Kir-Hareset-ta. Nemen-na fo ketu namahehenan-nala, ma lahoo.

YESAYA 23:1

Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

YESAYA 23:6

Hai, laun manai solokae su'uk-kala lemin, kii-makaleleu, ma meu leo Spanyol meu.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 46:25

Manetualain Fo Manakoasa, fo Israel Manetualain-na, nafa'da nae, “Neukose Au huku-doki Amon, lamatua daebafak manai Tebe-a ma basa Masir no lamatua daebafan-nala ma manen-nala. Manek Masir-ra ma basa hataholi ta lamahena neun nana

YEREMIA 48:2

Mopo Moab matua-mademan, musu-a natona-na Hesybon so, ma ala tutu'u basa eno ma soaneu tao lamopo la'iesak leoina Moab-pa nai na. Hala kokolak manai Madmen-na neukose nana kena-ka'ik, nanahu neukose soloda'du la latona-la kota ndia.

YEREMIA 48:20

Soona neukose ala lata lae, ‘Moab nakalulutuk so dean-na tada'di neu hata esasoboen, hundia de kii-mamatani soaneun. Po'a benga nai besa le Arnon nanalun-na mae Moab nakalulutuk so.’ ”

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YEREMIA 48:7

Moab! O mamahena ka'da o be'i-balakaim masu'i-beten. Tehu besak ia neukose o nanatao nakalak. Kamos, o lamatua daebafam-ma, basa inam-mala ma basa mauli-malangam-mala neukose nanafoo nenik leo mamana ookak-ka neu.

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

YEREMIA 51:8

No kaiboianak Babel tu'da de nakalulutuk. Kii makalelu neu ndia ma sanga akidok mo'do fo mamo'do neu bisu-na fafa'kama hapu hai.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

AMOS 1:15

Sila Manen-na ma basa manapaletan-nala, neukose ala foo lenis leo mamana tu'u-tapak neu. Au, fo Manetualain, nde manakokolak-ka.”

ZEFANYA 1:5

Neukose Au sapu balisi su'di see, fo ana kae leo uma kalan lain neu, fo ana sene-do'ok neu le'do-a, bulak-ka, ma nduuk-kala. Neukose Au tao amopo-amate sila, fo ala sene-do'ok neu Au, ma ana soo-supa lilineka nahele Au, tehu ana soo-supa nenik lamatua daebafak Milko na'den-na boe.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!

YOSUA 7:2

Nai lelek ndia, Yosua nadenu hataholi de'ubee, leme Yerikho leo Ai leu, fo kota esa nai Betel boboan dulu, deka no Bet-Awen. Ladenu hataholi sila leu palisak lutu-lutuk nusak ndia. Lakalala'ok basa sila bela-ba'un ndia boema,

YOSUA 8:1

Manetualain nafa'da Yosua nae, “Makabubua basa o solda'dum-mala, fo la'ok mos leo Ai meu. Dalem-mala boso ba'ihana ma boso bii! Neukose Au fe emi sengi mane Ai-a. Neukose, o loso-ma laun-na, kotan-na, ma nusan-na.

YOSUA 8:28

Yosua hotu heni Ai, de ana po'ilotak-kana da'di ai-batu madodouk, losa besak ia.