YEREMIA 48:7 - Susula Malalaok Hehelu Palak Ma Hehelu Beuk

⁷ Moab! O mamahena ka'da o be'i-balakaim masu'i-beten. Tehu besak ia neukose o nanatao nakalak. Kamos, o lamatua daebafam-ma, basa inam-mala ma basa mauli-malangam-mala neukose nanafoo nenik leo mamana ookak-ka neu.

YEREMIA 48:7 ပူးပေါင်းရင်းမြစ်များ

2 SEMUEL 5:21

Solda'du Filistin-nala lalai, de ala ta hapu loak, ho'i leni sila dodoki-dudula sosongo-tatangon-nala fa. Dauk no solda'dun-nala, ho'i-la dodoki-dudulak sila-la.

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.

YEREMIA 43:12

Neukose Au tao ha'i neu Masir lamatua daebafan-nala uma sosongo-tatangon-nala, ma neukose manek Babel-la hotuheni patong sosongo-tatangok manai uma sosongo-tatangok-ka ado ana ho'i nenis lo nusa-namon neu. Sama leo hataholi nanafoo sa tao balisi bua-lo'an neme utu-tuma, leondiak boe neukose manek Babel-la sasapu balisi Masir boema ana la'o seluk no ta hapu esa nanggengek-kana boen.

YEREMIA 48:13

Neukose Moab dalen-na ba'ihana ba'eneu Kamos, fo sila lamatua daebafan-na, sama leo hataholi Israel-la dalen-nala ba'ihana ba'eneu Betel fo sila lamahenak ndia.

YEREMIA 48:46

Susa-soe ba'eneu Moab! Hataholi mana sene-do'ok neu lamatuak daebafak Kamos mate-mopo so ma fua leni ana-nala da'di nanafok.

YEREMIA 49:3

Hei hataholi Hesybon, kii leo nanahu nusa Ai-a nakalulutuk so! Hei anafe'o anak nusa Raba, kii leo! Pake si'di kalong da'di ta'du tana dale he'dik, malai kii-konak henuk no mapangamak. Neukose o lamatua Milkom-ma nanafoo nenik leo mamana ookak-ka sama-sama no basa manaho'u-paleta ma basa imam-mala!

YEREMIA 49:4

Hei emi fo manalilineka tak! Tao le'e de emi madedema felak-kala fo leloaka? Hu beek nde emi koao neu emi su'i-beten! Neme bee mai emi hapu mafa'da mae ta hapu hataholi esa boen fo ana la'ban o?

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

HOSEA 10:13

Tehu o ta tao tunga fan. O sele-nggali tatao-nono'i mangalauk-ka, de o ketu-kolu ta ndoos ma matetuk-ka fa. O mu'a basa, o masapepeko-masandandalim buna-boan so.” Manetualain nafa'da seluk nae, “Hai leoina Israel-la lemin, hu kande emi mamahena emi kaleta natee-nata'tim-mala, ma emi solda'du makadotom-mala,

BILANGAN 21:29

Hai, leoina Moab-pala lemin, soe ba'eneu o! Manasene-do'ok neu Kamos-sa, neukose o mopo-mate! O lamatua daebafam-ma, po'ilotak o da'di hataholi manabokek, o inam-mala da'di mane Amori-a, hataholi nanalangen.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

HAKIM-HAKIM 11:24

De besak ia, ade, o nau ho'i falik-kasa do? O bole manuu mahele Kamos, fo o lamatua daebafam ndia, ana fe o dae-a. Tehu, hata fo Manetualain, fo ami Manetualaim-ma, fe basan neu ami so, neukose ami manea mahelen.